«Նոր ալիք 2013» երգի մրցույթի հայաստանյան ներկայացուցիչ Մերի Մնջոյանի մրցութային վերջին օրվա «Ես և միայն դու»  երգն ունի երկար պատմություն, ընտրվել է 10 երգից, ունի հինգ ձայնագրություն,  իսկ երգի վերջնական տարբերակն էլ հավանության են արժանացրել Կրուտոյն ու Ռեվզինը: Այսօր կայացած ասուլիսի ընթացքում, անդրադառնալով մրցույթին, նշեց,  երաժշտության հեղինակ Հայկոն: «Կարծում եմ շատ  լավ գործ ենք արել, նրանք  բոլորը գոհ էին», - նշեց նա:

Հայկոն նշեց, որ բնական է համարում  բոլոր քննադատությունները, քանի որ ճաշակի հետ աշխատելն իրոք բարդ է: Նա նաև նշեց, որ համոզված է, թե Մաշայի  հաղթանակի դեպքում  իրեն սկսելու էին մեծարել, որպես երգահան, իսկ  անհաջողության  ժամանակ` մեղադրում են: «Երգն իրոք լավն է և համապատասխան մրցույթին», - նշեց նա:

Ասուլիսին ներկա «Արմենիա» հը երաժշտական պրոդյուսեր Իրինա Վարդանյանը նշեց, որ Մերիի  հագուստը  տրամադրել է Անաստասիա Զադորինան, ով ընտրել է 3  օրվա  համար հագուստ, որոնք բանախոսի կարծիքով ճիշտ են ընտրված:

Անդրադառնալով այն լուրերին, որ երգն ու հագուստը համապատասխան չէր երգչուհու տարիքին, «Արմենիա» հը գլխավոր պրոդյուսեր  Ռուբեն Մխիթարյանը, ով նաև , «Ես և միայն դու» երգի խոսքերի հեղինակն է, նշեց, որ պետք չէ ֆիքսվել  նրա տարիքի վրա: «Նա պետք է  ներկայանար երեք տարբեր ոճերում  և տարբերվեր  ինքն իրենից: Մարդկանց սուբյեկտիվ կարծիքները  միշտ էլ տարբեր են: Կարծում եմ լավ ներկայացանք», - նշեց նա:

Մերի Մնջոյանը նշեց, որ իր համար շատ լեցուն են անցել բոլոր օրերը Յուրմալայում: «Ես պատշաճ կերպով  ներկայացրեցի  մեր երկիրը, չնայած գրավել եմ 7-րդ տեղը», - նշեց նա: Նա նշեց, որ իր համար բոլոր  երեք օրվա կատարումներն էլ լավն էին. «Առաջին օրը  տարբերվեց լիրիկական կատարմամբ, երկրորդ օրը   Էրիկի հետ կատարմամբ, երրորդ օրն էլ էապես տարբերվեց կատարման վիճակով», - նշեց երգչուհին: Մաշայի համար ժյուրիի անդամների այդ օրվա գնահատականը  զարմանալի չէր, քանի որ  նախորդ օրերին արդեն կար նման ցածր գնահատականների օրինակներ:

Ռ. Մխիթարյանն էլ անդրադառնալով  համացանցում  տարածված այն լուրերին, թե  Տոտո Կուտունյոին որոշել էին  հեռացրել ժյուրիի կազմից, նա նշեց, որ  այդպիսի  լուրեր այնտեղ չի եղել և իրենք չգիտեն, թե որտեղից են եկել նմանատիպ լուրերը: «Մենք այդ լուրերն իմացել ենք համացանցից», - հայտնեց նա:

Բանախոսներն անդրադարձան նաև  20.000 եվրո արժողությամբ  զգեստին. նշելով, որ  զգեստը վերադարձրել են, այժմ դիզայներների մոտ է: