Պաղպաղակի օր՝ Երևանի կենդանաբանական այգում

Երևանի կենդանաբանական այգին, Վայրի բնության և մշակութային արժեքների պահպանման հիմնադրամի հետ համատեղ նախաձեռնությամբ, անցած կիրակին այգում պաղպաղակի օր էր հայտարարել։ 

Ժամը 16։00-ից այգում զվարճալի միջոցառումներ էին. փոքրիկների համար՝ մուտքն անվճար։ 

Այգում պաղպաղակը վաճառվում էր ընդամենը 50 դրամով. վաճառքից գոյացած ողջ հասույթն ուղղվելու է Երևանի կենդանաբանական այգու կենդանիների պայմանների բարելավմանը։

Այցելուներից շատերը նշում էին, որ զգացված են հատկապես ընձեռված այն հնարավորությունից, որ կարող են թեկուզ փոքրիկ ներդրում ունենալ այգու բարելավման գործում։