Գիտնականները որոշել են քարտեզագրել մեր մոլորակի բոլոր տեղերը, որտեղ, ամենայն հավանականությամբ, ապրում են գիտությանը անծանոթ տեսակներ, հայտնում է «Հանրանատչելի մեխանիկան»:
Նախագծի հեղինակներն ասում են, որ ողնաշարավոր կենդանիների չբացահայտված տեսակների քարտեզը հատկապես արդիական է թվում ժամանակակից աշխարհի առջեւ ծառացած լայնածավալ կենսաբազմազանության ճգնաժամի ֆոնին: Շատ չբացահայտված տեսակներ կարող են անհետանալ նախքան գիտնականները նույնիսկ դրանց վրա ուշադրություն կդարձնեն, ուստի «սպեկուլյատիվ քարտեզագրությունը» կարող է շատ օգտակար լինել գիտության համար:
«Ենթադրվում է, որ այսօր գիտությունը գիտի Երկրի բոլոր կենդանի էակների 13-18 տոկոսից ոչ ավելիի մասին: Մենք պետք է հոգ տանենք չբացահայտված տեսակների պահպանության մասին, եւ դրա համար նախ պետք է նախանշենք այն տարածքները, որտեղ նրանք կարող են ապրել»,- ասում են հետազոտության հեղինակները՝ Յեյլի համալսարանի աշխատակիցները:
Հետազոտողները՝ Մարիո Մոուրայի եւ Վալտեր Ջեթցի գլխավորությամբ, ուսումնասիրել են կենսաբանական, սոցիոլոգիական եւ էկոլոգիական գործոնների լայն զանգված՝ կապված ողնաշարավորների 32 000 տեսակների հետ: Արդյունքում գիտնականները քարտեզի վրա նշել են անհայտ տեսակների ենթադրյալ տարածքները: Նախագծի հեղինակները վստահ են, որ երկկենցաղներն ու սողունները գերիշխող կլինեն կենդանի արարածների մեջ, որոնք դեռ պետք է հայտնաբերվեն, քանի որ դրանք մինչ այժմ ամենաքիչն են ուսումնասիրված:
Նիկոլ Փաշինյանը պատմել է, թե ինչու է որոշել սափրվել 
