Սիրելի հյուրեր և գործընկերներ, ցանկանում եմ ողջունել ձեզ ՀՀ կառավարության և անձամբ իմ անունից, շնորհակալություն հայտնել, որ եկել եք միջտարածաշրջանային համաժողովին: Իհարկե, այս միջոցառման հատուկ կարևորությունը կապված է այն հանգամանքի հետ, որ այն անցկացվում է ՌԴ նախագահ Վլադիմիր Պուտինի Հայաստան կատարելիք պետական այցի շրջանակներում:
Այս համաժողովը հատուկ բնույթ ունի: Այն նվիրված է այնպիսի կարևոր թեմայի, ինչպիսինն են մեր երկրի համագործակցության հեռանկարները ինտեգրացիոն միավորումների շրջանակում: Այսպիսի ընտրության առիթ դարձավ, իհարկե, Հայաստանի որոշումը միանալու Մաքսային միությանը, իսկ հետագայում նաև անդամակցությունը Եվրասիական տնտեսական միությանը:
Առաջին հերթին մեզ առաջնորդում էր այն անվիճելի փաստի ընդունումը, որ Հայաստանի առաջ կանգնած մարտահրավերների հաղթահարման համար անհրաժեշտ են կոլեկտիվ ջանքեր: Մասնավորապես, ժամանակակից աշխարհում կայուն տնտեսական աճի համար նպաստավոր պայմանների ստեղծումը և մրցունակ տնտեսության ձևավորումը խիստ բարդ է, իսկ որոշ դեպքերում անլուծելի խնդիր է սահմանափակ ռեսուրսներով և փոքր շուկա ունեցող երկրների համար, ինչպիսին Հայաստանն է: Դա երկու անգամ ավելի բարդ է, եթե հաշվի առնենք այն աշխարհաքաղաքական իրավիճակը, որի պայմաններում մենք ստիպված ենք զարգացնել մեր երկրի տնտեսությունը: Այսպիսով, Մաքսային միությանը միանալու որոշման հիմքում, որը մեզ համար ռազմավարական նշանակություն ունի, ընկած է Հայաստանի տնտեսության կայուն աճի և մրցունակության ապահովման ձգտումը: Այս կարևորագույն խնդրի լուծման մեխանիզմների և իրականացման ուղիների որոնումները մեզ բերեցին բնական և հիմնավորված եզրակացության՝ ինտեգրացիոն միավորման մեջ լիարժեք անդամակցության անհրաժեշտության մասին, որին անդամակցում են նաև մեր մոտ քաղաքական դաշնակիցները, ՀԱՊԿ անդամ-երկրները և մեր հիմնական տնտեսական գործընկերները:
Երկրորդը, ինչպես հայտնի է Ռուսաստանի հետ տնտեսական համագործակցությունը բացառիկ նշանակություն ունի Հայաստանի համար: Ռուսաստանը մեր հիմնական արտաքին առևտրական գործընկերն է և Հայաստանի տնտեսության խոշորագույն ներդրողը: Այն որոշիչ դեր է խաղում Հայաստանի ենթակառուցվածքների զարգացման հարցում: Ռուսաստանի հետ են կապված տնտեսության գերակա ուղղությունների և համակարգ ձևավորող ձեռնարկությունների զարգացման հեռանկարները, ինչպիսիք են, օրինակ, «Նաիրիտը» և ատոմային էլեկտրակայանը: Անվիճելի է, որ մեր երկրների միջև տնտեսական հարաբերություններն անկախության տարիների ընթացքում կրել են մշտապես զարգացող բնույթ: Հարաբերությունների այսպիսի դինամիկայի պահպանումը պահանջում էր համագործակցության մեխանիզմների համակարգային կատարելագործում: Սակայն այս պահին մենք փաստացի հասել ենք մեր համագործակցության վերընթաց կորի բարձրագույն կետին, որին կարելի է հասնել օգտագործելով միայն երկկողմ հարաբերությունների սովորական գործիքակազմը: Հայաստանի և Ռուսաստանի միջև հետագա տնտեսական համագործակցության զարգացման մարտավարությունը, որն արտացոլված է մինչև 2020 թվականը երկարաժամկետ տնտեսական համագործակցության ծրագրում, պետք է ուղղված լինի երկու երկրների միջև առևտրատնտեսական հարաբերությունների դիվերսիֆիկացման և մեր տնտեսությունների կառուցվածքային և տեխնոլոգիական մոդեռնիզացմանը նպաստող պայմանների ապահովմանը:
Այս խնդիրների լուծման հնարավորությունը մենք տեսնում ենք միայն տնտեսական միջավայրում, որը կբացառի ցանկացած սահման կամ խոչընդոտ երկու երկրների տնտեսությունների փոխադարձ ինտեգրման համար: Այսպիսով, ՄՄ մտնելու մեր որոշումը կրում է կշռադատված բնույթ և ունի լիովին ռացիոնալ հիմնավորում: Այն պայմանավորված է մրցունակ և արդյունավետ զարգացող տնտեսության համար անհրաժեշտ պայմանների ստեղծման ձգտումով:
Երրորդ հարցը, որին ես կցանկանայի պատասխանել, կարելի է ձևակերպել հետևյալ կերպ. ինչով է Հայաստանը գնում ՄՄ: Հայաստանն, ինչպես ասվում է, դատարկ ձեռքերով չի որոշել մտնել Մաքսային միություն: Մենք համոզված ենք, որ կկարողանանք թարմ շունչ և նոր գաղափարներ բերել Միության աշխատանքին: Մեր երկիրը, ըստ էության գտնվելով տրանսպորտային շրջափակման պայմաններում և չունենալով հարուստ բնական ռեսուրսներ, չունի բաց ու արդյունավետ գործող տնտեսական աճի մոդելի այլընտրանք: Շարժվելով այս ուղղությամբ, վերջին մի քանի տարիների ընթացքում մեզ հաջողվել է զգալի առաջընթացի հասնել լավագույն համաշխարհային պրակտիկային և ստանդարտներին համապատասխան մեր ինստիտուտների բարեփոխումների ոլորտում: Դա հատկապես վերաբերում է պետական համակարգի աշխատանքի ամրապնդմանը և արդյունավետության բարձրացմանը, երկրում գործարարության և ներդրումային գործունեության համար բարենպաստ պայմանների ստեղծմանը:
Ես կցանկանայի նշել, որ Համաշխարհային բանկի Doing Business ինդեքսով Հայաստանն ԱՊՀ երկրների շարքում զբաղեցնում է առաջին տեղը, իսկ համաշխարհային վարկանիշում՝ 188 երկրների թվում մենք զբաղեցնում ենք 37-րդ տեղը: Բացի այդ, համեմատական առավելությունների թվին, որոնց օգտագործումը կարող է ձեռնատու լինել և Հայաստանի, և Եվրասիական տնտեսական միության երկրների համար, կարելի է դասել աշխարհագրական առումով մոտ լինելը և ավանդական բարեկամական հարաբերությունները մերձավորարևելյան տարածաշրջանի երկրների հետ:
Կցանկանայի նշել, որ Հայաստանն այսօր ունի GSP+ ռեժիմ Եվրամիության հետ, իսկ դա օգնում է մեր բազմաթիվ ընկերություների, այդ թվում Հայաստանի տարածքում գործող ռուսական ընկերություններին, առանց որևէ սահմանափակման վաճառել իրենց ապրանքները ԵՄ տարածքում՝ առանց մաքսային վճարների: Ինձ համար հաճելի է ձեզ տեղեկացնել, որ ԵՄ դատարանը բավարարել է «Ռուսալ»-ի հայցը՝ ԵՄ ռեգլամենտի վերացման մասին, որը սահմանել էր հակադեմպինգային վճարներ մեր ձեռնարկության համար: Իսկ դա նշանակում է, որ եվրոպական շուկան բաց կլինի «Ռուսալ»-ի համար և մենք կկարողանանք Հայաստանից այս ձեռնարկության արտադրանքն արտահանել առանց սահմանափակման՝ օգտագործելով GSP+ ռեժիմը: Եվ այն ռուսական կապիտալով 1450 ձեռնարկությունները, որոնք գործում են Հայաստանի տարածքում, կարող են օգտվել հենց այս արտոնյալ ռեժիմից, ինչն իհարկե, ավելացնում է Հայաստանի ներդրումային գրավչությունը:
Եթե սրան միացնենք նաև ազատ առևտրի գոտին, որը մեր ռուս գործընկերների հետ ստեղծել ենք «Մարս» գործարանի հիմքում և Մերգելյանի գիտահետազոտական ինստիտուտում, ապա դա նշանակում է, որ ռուս ներդրողները կարող են այս տարածքում ներդումներ կատարել և օգտվել հարկային արտոնություններից:
Եզրափակելով. ինչպիսին ենք մենք պատկերացնում մեր ինտեգրացիոն միավորումը, ինչպիսի հիմնական սկզբունքների և արժեքների վրա այն պետք է կառուցվի: Դրա համար ձևակերպենք մի քանի թեզեր: Առաջինը՝ բոլորի կողմից ընդունված է, որ 21-րդ դարում զարգացման բազային գործընթաց է հանդիսանում նաև մտավոր գործունեությունը: Իսկ դա, իր հերթին նշանակում է, որ մարդը զարգացման շարժիչ ուժն է, և ենթակառուցվածքները պետք է ստեղծվեն հենց ստեղծագործ մարդու համար՝ հնարավորություն տալով նրան իր ներուժի ամբողջական իրացման համար:
Այսպիսով՝ ինտեգրացիոն գործընթացների առաջնային նպատակներից մեկը պետք է լինի բարենպաստ պայմանների ստեղծումը՝ մարդկանց ստեղծագործական ներուժի իրացման համար: Ելնելով դրանից՝ կարելի է ձևակերպել հաջորդ թեզը: Երկրների միավորմանը կարող ենք գալ մարդկանց միավորման միջոցով: Այսինքն՝ պետք է ստեղծված լինեն այնպիսի պայմաններ, որպեսզի նախաձեռնող, ստեղծագործ մարդիկ ձգտեն ինտեգրման: Հենց այդպիսի մարդիկ պետք է վերածվեն միավորման լոկոմոտիվի: Երկրորդը՝ ինտեգրումը պետք է հարմարավետ պայմաններ ստեղծի բիզնեսի համար: Մենք պետք է մեր ուշադրության կենտրոնում պահենք փոքր և միջին ձեռնարկատիրության զարգացումը: Եթե հաջողվի այս հարցում շոշափելի արդյունքների հասնել, ապա բազմաթիվ տնտեսվարող սուբյեկտներ կհայտնվեն շահագրգռված ինտեգրման պրոցեսի հաջող իրականացման մեջ:
Երրորդը՝ ինտեգրման արդյունքները պետք է զգալի լինեն բոլոր քաղաքացիների համար: Ինտեգրումը պետք է փոխի մարդկանց կենսապայմանները: Այդ դեպքում մենք կունենանք լայն մասսաներ, ովքեր շահագրգռված կլինեն ինտեգրման հաջողության և նրա հետագա խորացման մեջ: Այլ կերպ ասած՝ ինտեգրումը կդառնա անդառնալի, եթե նրանում շահագրգռված լինեն հասարակ մարդիկ: Իսկ դա հնարավոր է, եթե նրանք հասկանան, որ ինտեգրման գործընթացի հետ նրանց կենսապայմաններն աստիճանաբար բարելավվում են:
Չորրորդը՝ 21-րդ դարում վտանգների ու մարտահրավերների հետ պայքարն ավելի արդյունավետ է, եթե այն իրականացվում է ընդհանուր, կազմակերպված ջանքերով: Հետևաբար՝ այստեղ ավելի քան տեսանելի է, որ առավել արդյունավետ է ստեղծել վերազգային կառույցներ, քան փորձել միայնակ դիմագրավել այս խնդիրներին: Եվ այն միավորման գործընթացները, որոնք տեղի են ունենում Եվրազեսի շրջանակներում, թելադրում են մեզ հետևողական լինել այս կարևորագույն նախաձեռնությունում: Մենք վստահ ենք, որ ցանկացած ինտեգրացիոն գործընթացի միավորող գործոններից են առաջին հերթին արժեքների ընդհանրությունը և երկրների ազնվությունը՝ միավորվելու և համագործակցելու հարցում: Ես կարծում եմ, որ մեր երկխոսության նոր փուլը կլինի մեզ միավորող արժեքների մասին, և այն արժեքների, որոնք մեզ հնարավորություն են տալիս՝ կառուցելու ընդհանուր ապագա և ընդհանուր տեսլական:
Շնորհակալություն ուշադրության համար:
Այս թեմայով
Միրանչուկի գոլը փրկել է «Ատլանտային» պարտությունից «Ինտեր Մայամիի» դեմ խաղում (տեսանյութ)
«Հանուն հայրենիքի». Խայտառակության խարանը ընկած է նաեւ Ղարաբաղի հայերի անվտանգության միջազգային երաշխավորների վրա
Լեռնային Ղարաբաղի ժողովուրդն ունի ինքնորոշման և վերադարձի անվիճելի իրավունք․ հայտարարություն
Չեմպիոնների լիգա․ Օրվա հանդիպումները
Վթարի պատճառով 12 ժամ ջուր չի լինելու Երեւանի Նոր Նորք վարչական շրջանում
Օլիմպիադա․ Հայաստանի հավաքականների մրցակիցները 8-րդ տուրում
ԱՄՆ ռազմաօդային ուժերի համար ԱԹՍ-ների խոցման նոր բազմաստիճան համակարգ է մշակվել
Լեհաստանում հայտնաբերվել է միջնադարյան գերեզմանատուն՝ «վամպիր երեխայի» աճյունով
Սպերցյանը շարունակում է գլխավորել ՌՊԼ-ի ամենաթանկարժեք ֆուտբոլիստների վարկանիշը
Քանի՞ տարեկանն է ՀՀ-ում կյանքի միջին տևողությունը և ինչի՞ց են գրանցվում կյանքից զրկվելու դեպքերը․ թվեր
Կիևյան փողոցից մարդ են առևանգել. կան ձերբակալվածներ
Իրանը հերքել է լուրերը, թե Էբրահիմ Ռայիսին զոհվել է փեյջերի պայթելու արդյունքում
Կաջակցենք Վրաստանի ժողովրդին՝ չնայած երկրների հարաբերություններին. ԱՄՆ դեսպան
Արարատի և Լոռու մարզերում կրթահամալիր կկառուցվի. որոշումը կառավարության օրակարգում է
Չեմպիոնների լիգա․ «Մանչեսթեր Սիթին» ու «Ինտերը» գոլ չխփեցին, օրվա արդյունքները (տեսանյութ)
Մեկ տարի առաջ այս օրն Ադրբեջանը ներխուժեց Արցախ
ՀՀ Վճռաբեկ դատարանը մերժել է Գլխավոր դատախազին. Սպիտակցի Հայկոյի որդին չի կալանավորվի. կռվի ավարտը. փաստաթուղթ
Իշխանությունների հերթական խայտառակությունը. չեմպիոն «Փյունիկը»-ը ֆեդերացիայի պատճառով կարող է փակվել . «Ժողովուրդ»
Եղանակը Հայաստանում․ Օդի ջերմաստիճանը կնվազի
Աստղագուշակ՝ սեպտեմբերի 19-ի համար
Նիկոլ Փաշինյանը հեծանվային 17-րդ զբոսանքն է իրականացրել (վիդեո)
Շղթայական ավտովթար՝ Երևան-Աշտարակ ճանապարհին․ բախվել են 4 ավտոմեքենաներ. տուժածներ չկան
Աշխարհի ամենատարեց մարդուն երկարակեցության հավաստագիր է հանձնվել
Սիրո՞ւմ ես հայրենիքդ, ուժեղացրո՛ւ պետությունդ․ Արշակյանի ելույթը Համաշխարհային հայկական երկրորդ գագաթնաժողովի բացմանը
Չեմպիոնների լիգա․ Օրվա հանդիպումները
Լեհաստանում հայտնաբերվել է միջնադարյան գերեզմանատուն՝ «վամպիր երեխայի» աճյունով
Իրանը հերքել է լուրերը, թե Էբրահիմ Ռայիսին զոհվել է փեյջերի պայթելու արդյունքում
Կաջակցենք Վրաստանի ժողովրդին՝ չնայած երկրների հարաբերություններին. ԱՄՆ դեսպան
Աշխարհի ամենատարեց մարդուն երկարակեցության հավաստագիր է հանձնվել
Զելենսկի. Ուկրաինան դեռ սպասում է ԱՄՆ-ի թույլտվությանը Ռուսաստանում թիրախներին հարվածելու համար
DW. Էրդողանը Պուտինի և Ալիևի հետ առաջ է մղում ՀՀ Սյունիքի մարզով տարանցիկ միջանցքը
Երևանում կայացավ Վիկ Գերամիի ֆիլմի ցուցադրությունը
Մարդինում հայկական եկեղեցին մնացել է առանց համայնքի․ այնտեղ այժմ միայն մեկ հայ է աղոթում
Ելենա Փինջոյանի որդին մահացել է՝ ընկնելով պատուհանից
Պաֆոսի քաղաքապետարանը հայ համայնքի պահանջով փոխել է Թալեաթ Փաշայի փողոցի անունը
Սփյուռքահայ կամավոր բժիշկները հայրենիքում են
Ամենադիտված
Այսօր
Այս շաբաթ
Այս ամիս
Կիևյան փողոցից մարդ են առևանգել. կան ձերբակալվածներ
1
Իրանը հերքել է լուրերը, թե Էբրահիմ Ռայիսին զոհվել է փեյջերի պայթելու արդյունքում
2
Վթարի պատճառով 12 ժամ ջուր չի լինելու Երեւանի Նոր Նորք վարչական շրջանում
3
Քանի՞ տարեկանն է ՀՀ-ում կյանքի միջին տևողությունը և ինչի՞ց են գրանցվում կյանքից ...
4
ՀՀ Վճռաբեկ դատարանը մերժել է Գլխավոր դատախազին. Սպիտակցի Հայկոյի որդին չի կալանա...
5
«Ռոբերտ Քոչարյանը կաշառակեր է և դա ընդունում է». Դանիել Իոաննիսյան
«Կադրերում պարեկների կողմից ***ված քաղաքացին է». Դանիել Իոաննիսյան
Հարսանիք՝ պաշարված Արցախում
Հայկական ավիացիան գուցե հիմա մեզ պետք գար, եթե ոչնչացված չլիներ, ի՞նչ կասեք, պարո՛ն Վարդանյան
«Ինչպե՞ս ստացվեց, որ այսքան մարդ հատեց ադրբեջանական անցակետը». Մարատ Եգանյան
Իշխանությունների հերթական խայտառակությունը. չեմպիոն «Փյունիկը»-ը ֆեդերացիայի պատճառով կարող է փակվել...
Մակրոնը կգա՞ Հայաստան․ «Հրապարակ»
Թիմակիցներից ո՞ւմ կզոհաբերի Փաշինյանը․ «Հրապարակ»
Փոխնախարարը անգամ իր անունն է դարձրել ՔՊ «պաշտոնաթերթի» անունով.«Ժողովուրդ»
Ինչ փուլում են Ադրբեջանի հետ խաղաղության պայմանագրի շուրջ բանակցությունները. ԱԳՆ-ն խուսափում է պատաս...