Սիրելի հյուրեր և գործընկերներ, ցանկանում եմ ողջունել ձեզ ՀՀ կառավարության և անձամբ իմ անունից, շնորհակալություն հայտնել, որ եկել եք միջտարածաշրջանային համաժողովին: Իհարկե, այս միջոցառման հատուկ կարևորությունը կապված է այն հանգամանքի հետ, որ այն անցկացվում է ՌԴ նախագահ Վլադիմիր Պուտինի Հայաստան կատարելիք պետական այցի շրջանակներում:
Այս համաժողովը հատուկ բնույթ ունի: Այն նվիրված է այնպիսի կարևոր թեմայի, ինչպիսինն են մեր երկրի համագործակցության հեռանկարները ինտեգրացիոն միավորումների շրջանակում: Այսպիսի ընտրության առիթ դարձավ, իհարկե, Հայաստանի որոշումը միանալու Մաքսային միությանը, իսկ հետագայում նաև անդամակցությունը Եվրասիական տնտեսական միությանը:
Առաջին հերթին մեզ առաջնորդում էր այն անվիճելի փաստի ընդունումը, որ Հայաստանի առաջ կանգնած մարտահրավերների հաղթահարման համար անհրաժեշտ են կոլեկտիվ ջանքեր: Մասնավորապես, ժամանակակից աշխարհում կայուն տնտեսական աճի համար նպաստավոր պայմանների ստեղծումը և մրցունակ տնտեսության ձևավորումը խիստ բարդ է, իսկ որոշ դեպքերում անլուծելի խնդիր է սահմանափակ ռեսուրսներով և փոքր շուկա ունեցող երկրների համար, ինչպիսին Հայաստանն է: Դա երկու անգամ ավելի բարդ է, եթե հաշվի առնենք այն աշխարհաքաղաքական իրավիճակը, որի պայմաններում մենք ստիպված ենք զարգացնել մեր երկրի տնտեսությունը: Այսպիսով, Մաքսային միությանը միանալու որոշման հիմքում, որը մեզ համար ռազմավարական նշանակություն ունի, ընկած է Հայաստանի տնտեսության կայուն աճի և մրցունակության ապահովման ձգտումը: Այս կարևորագույն խնդրի լուծման մեխանիզմների և իրականացման ուղիների որոնումները մեզ բերեցին բնական և հիմնավորված եզրակացության՝ ինտեգրացիոն միավորման մեջ լիարժեք անդամակցության անհրաժեշտության մասին, որին անդամակցում են նաև մեր մոտ քաղաքական դաշնակիցները, ՀԱՊԿ անդամ-երկրները և մեր հիմնական տնտեսական գործընկերները:
Երկրորդը, ինչպես հայտնի է Ռուսաստանի հետ տնտեսական համագործակցությունը բացառիկ նշանակություն ունի Հայաստանի համար: Ռուսաստանը մեր հիմնական արտաքին առևտրական գործընկերն է և Հայաստանի տնտեսության խոշորագույն ներդրողը: Այն որոշիչ դեր է խաղում Հայաստանի ենթակառուցվածքների զարգացման հարցում: Ռուսաստանի հետ են կապված տնտեսության գերակա ուղղությունների և համակարգ ձևավորող ձեռնարկությունների զարգացման հեռանկարները, ինչպիսիք են, օրինակ, «Նաիրիտը» և ատոմային էլեկտրակայանը: Անվիճելի է, որ մեր երկրների միջև տնտեսական հարաբերություններն անկախության տարիների ընթացքում կրել են մշտապես զարգացող բնույթ: Հարաբերությունների այսպիսի դինամիկայի պահպանումը պահանջում էր համագործակցության մեխանիզմների համակարգային կատարելագործում: Սակայն այս պահին մենք փաստացի հասել ենք մեր համագործակցության վերընթաց կորի բարձրագույն կետին, որին կարելի է հասնել օգտագործելով միայն երկկողմ հարաբերությունների սովորական գործիքակազմը: Հայաստանի և Ռուսաստանի միջև հետագա տնտեսական համագործակցության զարգացման մարտավարությունը, որն արտացոլված է մինչև 2020 թվականը երկարաժամկետ տնտեսական համագործակցության ծրագրում, պետք է ուղղված լինի երկու երկրների միջև առևտրատնտեսական հարաբերությունների դիվերսիֆիկացման և մեր տնտեսությունների կառուցվածքային և տեխնոլոգիական մոդեռնիզացմանը նպաստող պայմանների ապահովմանը:
Այս խնդիրների լուծման հնարավորությունը մենք տեսնում ենք միայն տնտեսական միջավայրում, որը կբացառի ցանկացած սահման կամ խոչընդոտ երկու երկրների տնտեսությունների փոխադարձ ինտեգրման համար: Այսպիսով, ՄՄ մտնելու մեր որոշումը կրում է կշռադատված բնույթ և ունի լիովին ռացիոնալ հիմնավորում: Այն պայմանավորված է մրցունակ և արդյունավետ զարգացող տնտեսության համար անհրաժեշտ պայմանների ստեղծման ձգտումով:
Երրորդ հարցը, որին ես կցանկանայի պատասխանել, կարելի է ձևակերպել հետևյալ կերպ. ինչով է Հայաստանը գնում ՄՄ: Հայաստանն, ինչպես ասվում է, դատարկ ձեռքերով չի որոշել մտնել Մաքսային միություն: Մենք համոզված ենք, որ կկարողանանք թարմ շունչ և նոր գաղափարներ բերել Միության աշխատանքին: Մեր երկիրը, ըստ էության գտնվելով տրանսպորտային շրջափակման պայմաններում և չունենալով հարուստ բնական ռեսուրսներ, չունի բաց ու արդյունավետ գործող տնտեսական աճի մոդելի այլընտրանք: Շարժվելով այս ուղղությամբ, վերջին մի քանի տարիների ընթացքում մեզ հաջողվել է զգալի առաջընթացի հասնել լավագույն համաշխարհային պրակտիկային և ստանդարտներին համապատասխան մեր ինստիտուտների բարեփոխումների ոլորտում: Դա հատկապես վերաբերում է պետական համակարգի աշխատանքի ամրապնդմանը և արդյունավետության բարձրացմանը, երկրում գործարարության և ներդրումային գործունեության համար բարենպաստ պայմանների ստեղծմանը:
Ես կցանկանայի նշել, որ Համաշխարհային բանկի Doing Business ինդեքսով Հայաստանն ԱՊՀ երկրների շարքում զբաղեցնում է առաջին տեղը, իսկ համաշխարհային վարկանիշում՝ 188 երկրների թվում մենք զբաղեցնում ենք 37-րդ տեղը: Բացի այդ, համեմատական առավելությունների թվին, որոնց օգտագործումը կարող է ձեռնատու լինել և Հայաստանի, և Եվրասիական տնտեսական միության երկրների համար, կարելի է դասել աշխարհագրական առումով մոտ լինելը և ավանդական բարեկամական հարաբերությունները մերձավորարևելյան տարածաշրջանի երկրների հետ:
Կցանկանայի նշել, որ Հայաստանն այսօր ունի GSP+ ռեժիմ Եվրամիության հետ, իսկ դա օգնում է մեր բազմաթիվ ընկերություների, այդ թվում Հայաստանի տարածքում գործող ռուսական ընկերություններին, առանց որևէ սահմանափակման վաճառել իրենց ապրանքները ԵՄ տարածքում՝ առանց մաքսային վճարների: Ինձ համար հաճելի է ձեզ տեղեկացնել, որ ԵՄ դատարանը բավարարել է «Ռուսալ»-ի հայցը՝ ԵՄ ռեգլամենտի վերացման մասին, որը սահմանել էր հակադեմպինգային վճարներ մեր ձեռնարկության համար: Իսկ դա նշանակում է, որ եվրոպական շուկան բաց կլինի «Ռուսալ»-ի համար և մենք կկարողանանք Հայաստանից այս ձեռնարկության արտադրանքն արտահանել առանց սահմանափակման՝ օգտագործելով GSP+ ռեժիմը: Եվ այն ռուսական կապիտալով 1450 ձեռնարկությունները, որոնք գործում են Հայաստանի տարածքում, կարող են օգտվել հենց այս արտոնյալ ռեժիմից, ինչն իհարկե, ավելացնում է Հայաստանի ներդրումային գրավչությունը:
Եթե սրան միացնենք նաև ազատ առևտրի գոտին, որը մեր ռուս գործընկերների հետ ստեղծել ենք «Մարս» գործարանի հիմքում և Մերգելյանի գիտահետազոտական ինստիտուտում, ապա դա նշանակում է, որ ռուս ներդրողները կարող են այս տարածքում ներդումներ կատարել և օգտվել հարկային արտոնություններից:
Եզրափակելով. ինչպիսին ենք մենք պատկերացնում մեր ինտեգրացիոն միավորումը, ինչպիսի հիմնական սկզբունքների և արժեքների վրա այն պետք է կառուցվի: Դրա համար ձևակերպենք մի քանի թեզեր: Առաջինը՝ բոլորի կողմից ընդունված է, որ 21-րդ դարում զարգացման բազային գործընթաց է հանդիսանում նաև մտավոր գործունեությունը: Իսկ դա, իր հերթին նշանակում է, որ մարդը զարգացման շարժիչ ուժն է, և ենթակառուցվածքները պետք է ստեղծվեն հենց ստեղծագործ մարդու համար՝ հնարավորություն տալով նրան իր ներուժի ամբողջական իրացման համար:
Այսպիսով՝ ինտեգրացիոն գործընթացների առաջնային նպատակներից մեկը պետք է լինի բարենպաստ պայմանների ստեղծումը՝ մարդկանց ստեղծագործական ներուժի իրացման համար: Ելնելով դրանից՝ կարելի է ձևակերպել հաջորդ թեզը: Երկրների միավորմանը կարող ենք գալ մարդկանց միավորման միջոցով: Այսինքն՝ պետք է ստեղծված լինեն այնպիսի պայմաններ, որպեսզի նախաձեռնող, ստեղծագործ մարդիկ ձգտեն ինտեգրման: Հենց այդպիսի մարդիկ պետք է վերածվեն միավորման լոկոմոտիվի: Երկրորդը՝ ինտեգրումը պետք է հարմարավետ պայմաններ ստեղծի բիզնեսի համար: Մենք պետք է մեր ուշադրության կենտրոնում պահենք փոքր և միջին ձեռնարկատիրության զարգացումը: Եթե հաջողվի այս հարցում շոշափելի արդյունքների հասնել, ապա բազմաթիվ տնտեսվարող սուբյեկտներ կհայտնվեն շահագրգռված ինտեգրման պրոցեսի հաջող իրականացման մեջ:
Երրորդը՝ ինտեգրման արդյունքները պետք է զգալի լինեն բոլոր քաղաքացիների համար: Ինտեգրումը պետք է փոխի մարդկանց կենսապայմանները: Այդ դեպքում մենք կունենանք լայն մասսաներ, ովքեր շահագրգռված կլինեն ինտեգրման հաջողության և նրա հետագա խորացման մեջ: Այլ կերպ ասած՝ ինտեգրումը կդառնա անդառնալի, եթե նրանում շահագրգռված լինեն հասարակ մարդիկ: Իսկ դա հնարավոր է, եթե նրանք հասկանան, որ ինտեգրման գործընթացի հետ նրանց կենսապայմաններն աստիճանաբար բարելավվում են:
Չորրորդը՝ 21-րդ դարում վտանգների ու մարտահրավերների հետ պայքարն ավելի արդյունավետ է, եթե այն իրականացվում է ընդհանուր, կազմակերպված ջանքերով: Հետևաբար՝ այստեղ ավելի քան տեսանելի է, որ առավել արդյունավետ է ստեղծել վերազգային կառույցներ, քան փորձել միայնակ դիմագրավել այս խնդիրներին: Եվ այն միավորման գործընթացները, որոնք տեղի են ունենում Եվրազեսի շրջանակներում, թելադրում են մեզ հետևողական լինել այս կարևորագույն նախաձեռնությունում: Մենք վստահ ենք, որ ցանկացած ինտեգրացիոն գործընթացի միավորող գործոններից են առաջին հերթին արժեքների ընդհանրությունը և երկրների ազնվությունը՝ միավորվելու և համագործակցելու հարցում: Ես կարծում եմ, որ մեր երկխոսության նոր փուլը կլինի մեզ միավորող արժեքների մասին, և այն արժեքների, որոնք մեզ հնարավորություն են տալիս՝ կառուցելու ընդհանուր ապագա և ընդհանուր տեսլական:
Շնորհակալություն ուշադրության համար:
Suggestions
Ameriabank has provided business loans totaling over AMD 14 billion to the renewable energy sector
Ameriabank leading mortgage market five years in row
Ameriabank named best foreign exchange bank in Armenia by Global Finance
Use of smart solutions at financial companies: Ameriabank partners Silicon Mountains 2022
Ameriabank named the Bank of the Year 2022 in Armenia by The Banker Magazine
Ameria PhonePOS. New application for receiving non-cash payments with a smartphone
The Buy Armenian Hope for Christmas Event․ december 10 & 11
Ameriabank launches Google Pay, Google Wallet support for card users in Armenia
Ameriabank: At the Vanguard of Armenia's Banking Sector
Global Finance Names Ameriabank the Safest Bank in Armenia
Largest corporate bond program at securities market of Armenia completed successfully
Ameriabank Receives the Most Innovative Digital Bank Regional Award 2022 by Global Finance Magazine
Ameriabank Receives Euromoney Award for Excellence as the Best Bank in Armenia for 2022
Leading international, Armenian companies focusing on ecosystem solutions join Orion Summit 2022
Leading international, Armenian companies focusing on ecosystem solutions join Orion Summit 2022
Non-cash summer: a chance to win 22 travel vouchers for the clients of Ameriabank
Ameriabank wins Best Bank in Sustainable Finance award for 2022
Ameriabank awarded with TFP Prize for Deal of the Year 2021: Green Trade by EBRD
Global Finance names Ameriabank Best Bank in Armenia in 2022
Ameriabank’s ‘Live Armenian,’ ‘Live with a Smile,’ ‘Live Limitless’ promotional draws’ winners are announced
Global Finance Names Ameriabank “Best Investment Bank” in Armenia
Ameriabank receives another IFC award in trade-finance sector
Ameriabank is the first in Armenia to place green bonds via public offering
"You can create systems, but they must be based on people, be people-centered," says Lindsey Forbes, Ameriabank Board Member
Ameriabank is the largest taxpayer among Armenian banks according to results of year 2021
Funeral services for 5-year-old Armenian boy from Pasadena to be held on July 18
Armenia President discusses economic cooperation with US
Armenian dad of 5-year-old missing boy smiles and jokes in court
Armenia delegation: Signatures shall be collected to express no-confidence to PACE president
London fire: 6 people killed
French Presidential elections: Macron, Le Pen through to second round
Most popular
Today
For week
For Month
4 Simple Ways to Build Downtime Into Your Busy Day
Geri Horner on Her New Single, George Michael, and Her Open Door Policy With the Spice Girls
Alexis Ohanian, his grandfather attend LA premiere of The Promise
Kim Kardashian on Armenian Genocide
Sex and red wine extend youth
168 Zham: Russia pursuing policy of retreat in Artsakh
Haykakan Zhamanak: Karen Karapetyan unwilling to strike coalition deal with ARF-D
Haykakan Zhamanak: Russia-Turkey thaw to deal major blow to Armenian businessmen
Zhamanak: Ohanyan to be promoted to senior post in Russia?
Zhoghovurd: Russian low-coster’s disappointing shock
Aznavour to Receive a Star on the Hollywood Walk of Fame
Geri Horner on Her New Single, George Michael, and Her Open Door Policy With the Spice Girls
Armenian choir to perform during Trump visit to Church of the Holy Sepulchre in Jerusalem
Jacqueline Bisset to topline “Journey to Miyakojima” drama
Closed screening of Armenian Genocide movie, The Promise, is held in Yerevan (Video)