13.30****************************************
Ցուցարարները հայտարարեցին, որ բողոքը կշարունակվի երկուշաբթի օրը ժամը 10:00-ին, սակայն արդեն ՀՀ ԱԺ շենքի դիմաց, քանի որ «վարչապետը հրաժարվում է լուծում տալ տվյալ խնդրին՝ պատճառաբանելով, որ օրենքը ընդունվել ԱԺ կողմից»:
13.20 ***************************************
Կառավարության շենքի մոտ հոկտեմբերի 1-ից ուժի մեջ մտնող «Շրջանառության հարկի մասին» ՀՀ օրենքի դեմ բողոքարկող հարյուրավոր մարդկանց մոտ այժմ գտնվում է ՀՀ կառավարության ներկայացուցիչը, որը փորձում է պարզաբանել ցուցարարների համար օրենքում ներառված որոշակի վիճելի դրույթներ:
Կառավարության ներկայացուցիչը հայտնեց հավաքվածներին, որ իրենք կարող են ժողովրդի բոլոր պահանջներն ու դժգոհությունները կապված տվյալ օրենքի դրույթների հետ գրավոր կերպով ներկայացնել կառավարությանը, որն էլ կդիտարկի դրանք և կտա համապատասխան լուծումներ: Սակայն ցուցարարները պահանջում են օրենքի ամբողջական կասեցում:
Կառավարության ներկայացուցիչը հեռացավ, խոստանալով փոխանցել բոլոր բողոքները վարչապետին և հնարավաոր լուծումներ տալ դրանց: Նա այդպես էլ չհամաձայնվեց խոսել բարձրախոսով և ներկայացնել կառավարության տեսակետը, ինչը առաջացրեց հավաքվածների դժգոհությունը: Հնչեցին նաև վիրավորանքներ:
Նշենք նաև, որ ցուցարարների մոտ է գտնվում նաև Երևանի փոխոստիկանապետ Վալերի Օսիպյանը:
Տեսանյութը՝ 1in.am-ի:
Միրզոյան. Հայաստանը պատրաստ է որքան հնարավոր է շուտ խաղաղության պայմանագիր կնքել Ադրբեջանի հետ 
