Վերջերս ադրբեջանական գերությունից վերադարձած Հակոբ Ինջիղուլյանը անցնում է բուժզննում և ֆիզիկապես պատրաստ է ծառայության: Այս մասին YerevanNews.am-ի հետ զրույցում հայտնեց ՀՀ ՊՆ մամլո խոսնակ Արծրուն Հովհաննիսյանը:
Սխալմամբ թշնամու տարածք անցած զինծառայող Հակոբ Ինջիղուլյանը շուրջ մեկ տարի գտնվում էր Ադրբեջանում: Բոլորովին վերջերս Ինջիղուլյանը Ադրբեջանից տեղափոխվեց երրորդ երկիր, որից հետո էլ արդեն վերադարձավ հայրենիք:
Արծրուն Հովհաննսիյանը ասաց, որ Հակոբը պատրաստ է ծառայության, անցել է բուժզննում, սակայն, թե երբ է նա անցնելու ծառայության խոսնակը չնշեց:
Հիշեցնենք նաև, որ ՀՀ պատկան մարմինները հայտարարեցին, որ առկա են լրացուցիչ տեղեկություններ Հակոբ Ինջիղուլյանի գերևարման, նրա նկատմամբ անմարդկային վերաբերմունքի ցուցաբերման, միջազգային մարդասիրական և մարդու իրավունքների իրավունքի նորմերի կոպիտ խախտումների վերաբերյալ:
Նիկոլ Փաշինյանը պատմել է, թե ինչու է որոշել սափրվել 
