Հունիսի 15-ին, Աշտարակում հնչած կրակոցների գործով որոնվող Արսեն Խ.-ին հայտնաբերել են իր տանը:
Հիշեցնենք, որ հունիսի 15-ին, ժամը 12.45-ին, ոստիկանության Աշտարակի բաժնում հաղորդում էր ստացվել, որ Աշտարակ քաղաքի քաղաքապետարանի դիմաց կրակոցներ են հնչում:
Ոստիկանության մամուլի ծառայությունից հայտնում են, որ մեկնած օպերատիվ խումբը նշված վայրում հայտնաբերել էր 51-ամյա Արսեն Խ.-ին պատկանող «Մերսեդես-Բենց ՄԼ 320» մակնիշի ավտոմեքենան՝ առջեւի դռան վերեւի ձախ անկյունում հրազենային վնասվածքի հետքերով, իսկ ավտոմեքենայի սրահից հայտնաբերվել էին արճիճանման զանգվածներ:
Հունիսի 16-ին իր տնից Արսեն Խ.-ն ներկայացվել է ՀՀ ՔԿ Արագածոտնի մարզային քննչական վարչություն:
Քննությունը շարունակվում է:
Ձեռնարկվում են միջոցառումներ կրակոցներ արձակած անձի ինքնությունը պարզելու եւ նրան հայտնաբերելու ուղղությամբ:
Նիկոլ Փաշինյանը պատմել է, թե ինչու է որոշել սափրվել 
