Երևանի «Փյունիկի» ավագ Արտակ Եդիգարյանը ակումբի պաշտոնական կայքի հետ զրույցում կիսվել է Հայաստանի գավաթի եզրափակիչ դուրս գալու իր տպավորություններով.
- Շատ ուրախ ենք, որ հաղթեցինք ու դուրս եկանք եզրափակիչ: «Գանձասարի» հարձակվողական գծում տեխնիկապես ուժեղ ֆուտբոլիստներ կան, որ եթե հնարավորություն տվեցիր, կպատժեն: Շատ դժվար հանդիպում էր, բայց բոլորիս ընդհանուր ջանքերի շնորհիվ մենք կարողացանք հաջողության հասնել:
Չնայած, որ պատասխան խաղը սեփական հարկի տակ էր, այն ավելի պատասխանատու էր: Կապ չունի, որ հաղթել էինք Կապանում 1:0: Շատ վտանգավոր հաշիվ էր, բայց ամեն ինչ կարողացանք մեր օգտին ավարտել:
Կապ չունի, թե ով է մրցակիցը եզրափակչում: Պետք է լավ տրամադրվենք, մի խաղ է` եզրափակիչ: Ամեն գնով ամեն ինչ կանենք, որպեսզի հաղթենք,- նշել է Հայաստանի հավաքականի պաշտպանը:
Նիկոլ Փաշինյանը պատմել է, թե ինչու է որոշել սափրվել 
