Տավուշի մարզի ընդհանուր իրավասության դատարանն այսօր հրապարակեց Արտակ Նազարյանի մահվան գործով դատավճիռը:

30-ամյա սպա Արտակ Նազարյանը մահացել է Տավուշի մարզի զորամասերից մեկի դիրքերում 2010 թվականի հուլիսի 27-ին: Սպային ինքնասպանության հասցնելու համար մեղադրվում էին նրա հինգ ծառայակիցները։

Հինգ ամբաստանյալներից Հակոբ Մանուկյանը դատապարտվեց 10 տարվա ազատազրկման, Վահագն Հայրապետյանը, Ադիբեկ Հովհաննիսյանը եւ Մխիթար Մխիթարյանը` չորսական տարվա, իսկ Հարութիկ Կիրակոսյանը երեք տարվա ազատազրկման, սակայն վերջինիս նկատմամբ կիրառվեց համաներում եւ նա ազատ արձակվեց:

Նշենք, որ տուժող կողմից դատավճռի հրապարակմանը ոչ ոք ներկա չէր:

azatutyun.am