«Մի բռնակալի կողմից էթնիկ զտման հաջողությունը խրախուսեց մյուսներին»․ Թանկյանը դատապարտել է ՀԱՄԱՍ-ի գործողությունները, բայց հիշեցրել Իսրայելի՝ Ադրբեջանին աջակցելու մասին

Սերժ Թանկյանը դատապարտել է ՀԱՄԱՍ-ի կողմից խաղաղ իսրայելցիների դաժան վերաբերմունքը, բայց նաեւ հիշեցրել, որ ժամանակին Իսրայելը աջակցում էր Ադրբեջանին, որը նույն գործողությունը կատարում էր Արցախում ապրող հայերի նկատմամբ։

X-ի իր էջում Թանկյանը գրել է,-«Խաղաղ բնակիչների վրա հարձակումը, նրանց առեւանգումն ու սպանելը պատերազմական հանցագործություններ են՝ անկախ նրանից, թե ով է դա անում։ Այն, ինչ ես տեսա Իսրայելի վրա ՀԱՄԱՍ-ի հարձակումից՝ սարսափելի է։ Անցյալում մենք տեսել ենք նաեւ Իսրայելի կողմից Պաղեստինի քաղաքացիների անկանոն սպանություններ։

Հավելեմ նաեւ, որ մոտ երկու շաբաթ առաջ Իսրայելի կողմից զինված Ադրբեջանը նունն արել է Արցախում ապրող հայերի նկատմամբ՝ ստիպելով նրանց փախչել իրենց՝ 3000 տարվա հայրենիքից։

Այն, ինչ մենք ստացանք այն ժամանակ Իսրայելի կառավարությունից, կեղծ հավասարություն էր՝ երկու կողմերին զսպվածության կոչով»:

Աշխարհահռչակ հայ երաժիշտը հավելել է՝ «Մի բռնակալի կողմից էթնիկ զտման հաջողությունը խրախուսեց մյուսներին: Ես կանգնած եմ ինչպես պաղեստինցիների, այնպես էլ իսրայելցիների կողքին, ովքեր ցանկանում են խաղաղություն»:

Attacking, kidnapping, killing civilians is a war crime no matter who does the act. What I’ve seen today from Hamas’ incursion into Israel is really horrifying due to that factor: we’ve seen similar indiscriminate killings of Palestinian citizens by the Israeli Army in the past.… https://t.co/B2LkHEXqpK

— Serj Tankian-#SanctionAzerbaijan (@serjtankian) October 8, 2023