Կանադայի Մոնրեալ քաղաքում տեղի ունենալիք գեղասահքի աշխարհի առաջնությունը նոր կորոնավիրուսի պատճառով չեղարկվել է, տեղեկացնում է CBC Olympics-ը:

Մրցաշարը նախատեսված էր անցկացնել մարտի 16-ից 22-ը:

Գեղասահքի աշխարհի առաջնությունում Հայաստանը պետք է ներկայացներ Սլավիկ Հայրապետյանը:

Նշենք, որ Կանադայում կորոնավիրուսով վարակված մարդկանց թիվը գերազանցել է 100-ը:

Ավելի վաղ կորոնավիրուսի պատճառով հետաձգվել էին ըմբշամարտի Օլիմպիական խաղերի եվրոպական գոտու վարկանիշային մրցաշարը և ծանրամարտի Եվրոպայի առաջնությունը: