«Բարսելոնան» նվաճեց Իսպանիայի սուպերգավաթը։ Սաուդյան Արաբիայի մայրաքաղաք Էր Ռիյադում տեղի ունեցած եզրափակիչում իսպանացի Չավիի գլխավորած թիմը 3:1 հաշվով հաղթեց չեմպիոն «Ռեալին»։


33-րդ րոպեին խաղի հաշիվը բացեց իսպանացի կիսապաշտպան Գավին, որին գոլային փփոխանցում կատարեց լեհ հարձակվող Ռոբերտ Լեւանդովսկին ։ 45-րդն րոպեին Լեւանդովսկին գոլ խփեց Գավիի փոխանցումից հետո ։ 69-րդ րոպեին Գավիի փոխանցումն օգտագործեց իսպանացի կիսապաշտպան Պեդրին՝ խփելով կատալոնական թիմի երրորդ գոլը ։ Ավելացված երրորդ րոպեին Արքայական թիմի միակ գոլը խփեց ֆրանսիացի հարձակվող Քարիմ Բենզեման ։

 

«Բարսելոնան» 14-րդ անգամ (ռեկորդային ցուցանիշ) նվաճեց Իսպանիայի սուպերգավաթը՝ 2018 թվականից հետո առաջին անգամ։ Չավին առաջին տիտղոսը նվաճեց «Բարսելոնայի» մարզիչի պաշտոնում։

Իսպանիայի Սուպերգավաթ, եզրափակիչ

«Ռեալ» - «Բարսելոնա»՝ 1:3 (տեսանյութ)

Քարիմ Բենզեմա, 90+3 - Գավի, 33, Ռոբերտ Լեւանդովսկի, 45, Պեդրի, 69

Pretty good first half for Gavi: Goal + Assist#ElClásico pic.twitter.com/mavGhWFPLE

— FC Barcelona (@FCBarcelona) January 15, 2023