Իսպանիայի չեմպիոն «Բարսելոնայի» նախագահ Ժոան Լապորտան խոստացել է, որ ակումբը հրաժեշտի հանդիպում կկազմակերպի թիմի նախկին խաղացող, աշխարհի չեմպիոն Արգենտինայի հավաքականի հարձակվող Լիոնել Մեսիի համար։
«Մեսին ցանկանում էր վերադառնալ «Բարսելոնա»։ Նա շատ ծանր փուլ էր ունեցել Փարիզում, եւ նրա հայրն ասաց, որ Լեոն չի ցանկանում դարձյալ նման ճնշման տակ ընկնել։ Մենք հարգում ենք Մեսիի որոշում։ «Բարսելոնան» միշտ կլինի նրա տունը։
Ցավում եմ, որ ամեն ինչ այսպես դասավորվեց, բայց ակումբի նախագահի համար առաջին տեղում «Բարսելոնան» է։
Ես քննարկել եմ Մեսիի հետ միջոցառումը, որի ժամանակ հնարավոր կլինի հարգանքի տուրք մատուցել նրան։ Վերակառուցումից հետո «Կամպ Նոու» ստադիոնի բացումը հրաշալի առիթ կլինի»,- Լապորտայի խոսքը մեջբերում է Mundo Deportivo-ն։
Մեսին կարիերան կշարունակի ամերիկյան «Ինտեր Մայամիում»։
Հենրիխ Մխիթարյան․ Անմոռանալի մրցաշրջան է 
