Ֆուտբոլի Հայաստանի ազգային հավաքականը մայիսի 29-ին Ավստրիայում ընկերական հանդիպում կանցկացնի Մալթայի հետ:
Bet365 բուքմեյքերական գրասենյակը ֆավորիտ է համարում հայկական թիմին, որի հաղթանակը գնահատում է 1.4 գործակցով: Մալթայի հավաքականի հաղթանակը ստացել է 9.00 գործակից, իսկ ոչ ոքին՝ 4.20:
Վատենս քաղաքի «Ժերնո Լանժ» ստադիոնում կայանալիք հանդիպումը կմեկնարկի Երեւանի ժամանակով 21:00-ին:
ՖԻՖԱ-ի դասակարգման նոր աղյուսակում Հայաստանը 98-րդն է, իսկ Մալթան 185-րդ տեղում է:
Հիշեցնենք, որ դա կլինի Հայաստանի հավաքականի մեկնարկային հանդիպումը թիմի գլխավոր մարզիչի պաշտոնին վերադարձած Վարդանի Մինասյանի նշանակումից հետո: Հունիսի 4-ին Հայաստանի հավաքականն Ավստրիայում ընկերական խաղ է անցկացնելու նաեւ Մոլդովայի հետ:
Հայաստանի հավաքականը նախորդ 2 ընկերական խաղերն անցկացրել է մարտ ամսին՝ Երեւանում գոլազուրկ ոչ ոքի խաղալով Էստոնիայի հետ եւ պարտվելով Լիտվային (0:1):
Հենրիխ Մխիթարյան․ Անմոռանալի մրցաշրջան է 
