Կապանի բնակչուհի, 31-ամյա Մանե Մովսիսյանին մեղադրանք է առաջադրվել պետական դավաճանության համար: Այս մասին իմանում ենք Datalex տեղեկատվական համակարգից:
Ըստ մեղադրանքի, նա 08.01.2012թ. համացանցի միջոցով ծանոթանալով «Տիգրան Դերվիշյան» տվյալներով օգտատիրոջ հետ, փոխանցել է իրեն հասանելի տեղեկություններ, որոնք կարող են օգտագործվել Հայաստանի Հանրապետությունն ու Զինված ուժերը վարկաբեկելու նպատակով:
Մանե Մովսիսյանը ՀՀ Սյունիքի մարզի Կարմրաքար գյուղի շրջակայքում տեղակայված ՀՀ ՊՆ N զորամասում աշխատելու ընթացքում փոխանցել է նաև ծառայության բերմամբ իրեն հայտնի դարձած, մասնավորապես` այդ զորամասի վերաբերյալ տեղեկությունները, որոնք ռազմական բնագավառի պետական գաղտնիք են:
Մանե Մովսիսյանին մեղադրանք է առաջադրվել ՀՀ քրեական օրենսգրքի 299-րդ հոդվածի առաջին մասով՝ պետական դավաճանությունը, նրա նկատմամբ խափանման միջոց է ընտրվել կալանավորումը:
Գործը կքննվի Սյունիքի մարզի ընդհանուր իրավասության դատարանում:
Բախումներ հրահրողներն էլ եք դուք, պատերազմ բերած մարդիկ էլ. Բագրատ Սրբազան 
