Կապուստին Յարից արձակվել է միջմայրցամաքային բալիստիկ փորձնական հրթիռ։ Դրա մասին հայտնել է ՌԴ պաշտպանության նախարարությունը։
«Արձակումն իրականացվել է հեռանկարային հրթիռային համակարգերի պետական փորձարկման, ինչպես նաև սպառազինման մեջ գտնվող հրթիռների կայունության հաստատման շրջանակում»,- պարզաբանել են գերատեսչությունում։
Ռուսաստանի պաշտպանության նախարարությունը հայտարարել է, որ հրթիռների արձակման առաջադրանքները կատարվել են ամբողջ ծավալով, և հավելել, որ միաժամանակ ռազմավարական անվտանգությունն ապահովման շրջանակում հաստատվել է ռուսական հրթիռների «բարձր հուսալիությունը»։ Գերատեսչությունը չի հստակեցրել, թե ինչ տեսակի հրթիռ է արձակվել։
