Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը ճանաչվել է Գերմանիայի առաջնության 14-րդ տուրում «Շտուտգարտի» դեմ կայացած հանդիպման լավագույն ֆուտբոլիստ:
Մխիթարյանը երկուական հարված է կատարել դարպասին և դարպասի ուղղությամբ։ Հայ ֆուտբոլիստը կատարել է 39 փոխանցում, որոնցից 71,8 %-ը՝ ճշգրիտ, մեկ անգամ հաղթել է օդային պայքարում, 10 անգամ հաջողությամբ շրջանցել է մրցակցին, երեք անգամ խլել է գնդակը, մեկ անգամ կասեցրել մրցակցի գրոհը։
Հայազգի ֆուտբոլիստը մեկ անգամ է խախտել կանոնները, երկու անգամ հայտնվել է խաղից դուրս վիճակում, նրա դեմ պայքարում կանոնները խախտել են երեք անգամ։
Հիշեցնենք, որ Թոմաս Տուխելի գլխավորած թիմը հաղթեց 4։1 հաշվով:
«Ցելսիուս» ընկերության փակ միջոցառումը՝ ՈՒԵՖԱ-ի Ֆուտզալի Չեմպիոնների Լիգայի խաղերին ընդառաջ (տեսանյութ) 
