Չինաստանում հաջողվել է կանգնեցնել կորոնվիրուսային վարակի տարածումը: Այս մասին հայտարարել է ՉԺՀ առողջապահության պետական կոմիտեի նախագահ Մի Ֆենը:

«Մարտի 28-ի դրությամբ հաստատված վարակակիրների թիվը 3000-ից քիչ է, ընդհանուր առմամբ՝ Չինաստանում վարակի տարածումը կասեցված է»,- ընդգծել է նա:

Չինաստանում՝ COVID-19 համավարակի առաջին օջախում, ընդհանուր առամբ վարակվել է 82061 մարդ, 3304-ը մահացել է, 75576-ն՝ առողջացել: Այժմ հիվանդ է 3181 մարդ՝ ավելի քիչ, քան մոլորակի 20 այլ երկրներում: