Իրանի արտաքին գործերի մամուլի քարտուղար Նասեր Քանաանին Ուկրաինայի նախագահ Վլադիմիր Զելենսկու վերջերս արած հակառուսական արտահայտություններն անվանել է «անօգուտ քաղաքական շոու, որն անհիմն պնդումներ է պարունակում», տեղեկացրել է Mehr-ը։
«Իրանի Իսլամական Հանրապետությունը միշտ հայտարարել է, որ դեմ է Ուկրաինայում պատերազմին եւ դրա շարունակմանը, ափսոսում է Ուկրաինայի ժողովրդի տառապանքների համար եւ ընդգծում է քաղաքական լուծման որոնման անհրաժեշտությունը դրա շուտափույթ դադարեցման համար՝ պատրաստ լինելով օգնություն ցուցաբերել դրա իրականացմանը»,- ընդգծել է Քանաանին։
Իրանցի բարձրաստիճան դիվանագետը նշել է նաեւ, որ Իրանի Իսլամական Հանրապետության դեմ Ուկրաինայի նախագահի կեղծ պնդումների կրկնությունը հակառուսական քարոզչության եւ մեդիա-պատերազմի շրջանակում է։ Նա կարծում է, որ դա «քաղաքական շոու» է եւ իրականացվում է արեւմտյան երկրներից որքան հնարավոր է շատ զենք եւ ֆինանսական օգնություն կորզելու նպատակով։
Քանաանին նշել է, որ Իրանը պատրաստ է շարունակել բանակցություններն Ուկրաինայի հետ։
«Ուկրաինական կողմի խուսափելը իրանական կողմի հետ բանակցություններից հաստատում է, որ նրանց հավակնություններն Իրանի Իսլամական Հանրապետության նկատմամբ անհիմն են»,- ասել է Իրանի ԱԳՆ պաշտոնական ներկայացուցիչը։
Ուկրաինայի նախագահն ավելի վաղ Իրանին կոչ էր արել «վերանայել Ռուսաստան անօդաչուների մատակարարման հարցը եւ չաջակցել Մոսկվային Ուկրաինայի դեմ պատերազմում»։
Գեղարքունիքի փոխմարզպետի կյանքից զրկված որդու գերեզմանը պայթեցրել են. 7 տարի առաջ աղմկահարույց կրակոցների թշնամանքը շարունակվում է 
