Երևան-Գյումրի ճանապարհին 11 մարդու կյանք խլած ողբերգական վթարից հրաշքով փրկված 34-ամյա Լիլիթ Ղուկասովան Կենտրոն TV-ի եթերում մանրամասներ է ներկայացրել տեղի ունեցածի վերաբերյալ․ «Բավրայով եկանք, ստուգումներն անցանք, նստեցինք տրանսպորտ, որ գանք Երևան։ Հանգիստ գալիս էինք, ուրախ, ասել-խոսելով։ Մի պահ քնել էի, էլ բան չեմ հիշում, արթնացել եմ Գյումրիի հիվանդանոցում։ Ասացին՝ վթար է եղել, չորս հոգի հիվանդանոցում են»,- նշել է Լիլիթը։