ՄԱԿ-ի Անվտանգության խորհրդում արտակարգ նիստ է տեղի ունեցել՝ քննարկելու Կարմիր ծովում և Ադենի ծոցում տիրող իրավիճակը։
ՄԱԿ-ում Իսրայելի դեսպան Գիլադ Էրդանն իր ելույթում, մասնավորապես, ասել է. «Այաթոլլահի ռեժիմը միակ բանն է, որը միավորում է Մերձավոր Արևելքի ապակայունացման բոլոր տարրերը։ Իրանը ֆինանսավորում, զինում, մարզում և ղեկավարում է Հութիներին, Համասին, Հեզբոլլահին Լիբանանում, այլ ահաբեկչական խմբավորումներին Սիրիայում և Իրաքում և Պաղեստինի Իսլամական Ջիհադին»:
Անվտանգության խորհրդի 15 անդամներից ութը կոչ են արել հատուկ ճեպազրույց և փակ խորհրդակցություններ անցկացնել Եմենի հութի ապստամբների հետ իրավիճակը քննարկելու համար, հայտնում է Today in Israel-ը։
Ըստ հութիների՝ սա նրանց պատասխանն է Իսրայելին, որը պատերազմում է Համասի հետ։
Կառավարման և բարեփոխումների հարցերով ՄԱԿ-ում ԱՄՆ դեսպան Քրիս Լուն ասել է, որ թեև Վաշինգտոնը չի ձգտում առճակատման Թեհրանի հետ, Իրանը պետք է ընտրություն կատարի հութիների նկատմամբ իր հովանավորության հարցում:
«[Իրանը] կարող է շարունակել իր ներկայիս կուրսը կամ կարող է հետ կանչել աջակցությունը, առանց որի հութիների համար դժվար կլինի արդյունավետորեն հետևել և թիրախավորել առևտրային նավերը, որոնք անցնում են ծովային ուղիներով՝ Կարմիր ծովով և Ադենի ծոցով», - ասել է Լուն:
Տավուշում զինծառայողներ են միացել ճանապարհը փակ պահող քաղաքացիներին 
