ԱՄՆ նախկին նախագահ Դոնալդ Թրամփը էկզիստենցիալ վտանգ է ներկայացնում և կփորձի տապալել այն ամենը, ինչին հասել են դեմոկրատները։ Նման կարծիք է հայտնել երկրի ներկայիս ղեկավար Ջո Բայդենը Նյու Յորքում կայացած միջոցառման ժամանակ, ուր նա ժամանել է նախընտրական քարոզարշավի շրջանակներում։ Պետության ղեկավարի խոսքերը մեջբերում է Սպիտակ տան մամուլի ֆոնդը։
«Կա մեկ էկզիստենցիալ սպառնալիք, դա Դոնալդ Թրամփն է։ Նա կփորձի չեղարկել այն ամենը, ինչ մենք արել ենք։ Մենք չենք կարող դա թույլ տալ»,- ասել է նա։
Հանդիպումը տեղի է ունեցել Goldman Sachs-ի նախկին գործադիր տնօրեն Լարի Լինդենի նստավայրում, ով այժմ զբաղվում է բնապահպանական խնդիրներով: Այս թեմայով Բայդենը նշել է, որ «ամբողջ աշխարհը նայում է» Միացյալ Նահանգներին բնապահպանական հարցերով, և հավելել, որ ինքը բազմաթիվ չուզողներ է ձեռք բերել իր բնապահպանական որոշումների պատճառով։ «Ես կոշտ որոշումներ կայացրեցի», - ասել է նա:
ԱՄՆ հաջորդ նախագահական ընտրությունները տեղի կունենան նոյեմբերին։ 2023 թվականի ապրիլի 25-ին Բայդենը հայտարարեց, որ կփորձի վերընտրվել։ Թրամփն իր ընտրարշավին մասնակցելու մասին հայտարարեց 2022 թվականի նոյեմբերին։
«Ցելսիուս» ընկերության փակ միջոցառումը՝ ՈՒԵՖԱ-ի Ֆուտզալի Չեմպիոնների Լիգայի խաղերին ընդառաջ (տեսանյութ) 
