Մարտի 18-ին Երեւանում բացվեց հանրապետությունում ատոմային էներգիայի 55-ամյակին նվիրված «Ատոմային արդյունաբերության զարգացման հեռանկարները Հայաստանում» թեմայով երրորդ պանելային քննարկումը:
Հայաստանի եւ Ռուսաստանի համագործակցության շրջանակներում քննարկումը կազմակերպվել է «Ռոսատոմ» պետական կորպորացիայի եւ «Ատոմային էլեկտրակայանների շահագործման հայկական հետազոտական ինստիտուտ» ՓԲԸ-ի կողմից («Հայատոմ» ԳՀԻ): Միջոցառման շրջանակներում մասնակիցները եւ փորձագետները կքննարկեն Հայաստանում ատոմային էներգիայի ներկայիս վիճակը եւ դրա զարգացումը, նոր ատոմակայանի կառուցման հեռանկարները եւ ծախսված միջուկային վառելիքի հետ վարվելու լավագույն համաշխարհային փորձի կիրառման հնարավորությունները:
Պանելային քննարկմանը մասնակցում են Հայաստանի տարածքային կառավարման եւ ենթակառուցվածքների նախարարության, ՀՀ կառավարությանն առընթեր միջուկային անվտանգության պետական կոմիտեի, Հայաստանի ԱԷԿ-ի, Էներգետիկայի հետազոտական ինստիտուտի, Հայաստանի ատոմային էներգիայի վետերանների միության ներկայացուցիչները, ինչպես նաեւ՝ փորձագետներ:
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
