Քարդաշյան քույրերի խմբային լուսանկարն Instagram-ում իրարանցում է առաջացրել։ Աստղային ընտանիքի բոլոր ներկայացուցիչները լուսանկարվել են երեկոյան զգեստներով սուրբծննդյան երեկույթի ընթացքում։ Տոնի ընթացքում արված լուսանկարն իր միկրոբլոգում հրապարակել է հինգ մոդելներից միակ շիկահերը՝ Քլոե Քարդաշյանը։

«Երբ Քորթնին երեկույթ է կազմակերպում, մենք գլամուրային ենք։ Ուրախ Սուրբ ծնունդ եւ բազմաթիվ օրհնություններ իմ քրոջ, ամբողջ թիմի եւ իմ կողմից»,- մեկնաբանություններում գրել է հեռուստաաստղը։

Լուսանկարում Քլոեն քույրերի շարքում առանձնանում է ե՛ւ մազերի գույնով, ե՛ւ հագուստով։ Ընտանեկան տոնի համար նա վառ, ոսկեգույն զգեստ է ընտրել։ Ավագ քույրը՝ Քորթնին, վառ կարմիր զգեստ է կրել, Քենդալը՝ մուգ կարմրագույն, 22-ամյա Քայլին՝ կանաչ, իսկ հայտնի Քիմը՝ վարդագույն-շագանակագույն պրինտով յուրօրինակ հագուստ։

«Որքան լավն եք», «բոլորդ հիասքանչ եք», «ետնանկարս փոխելու առիթ», «Քլեո, հիասքանչ տեսք ունեք։ Բոլորդ զարմացնող եք, բայց դու ոսկեգույնով փայլում ես», «Քայլի, իմ երազանք», «լուսանկարը խենթացնում է»,- արձագանքել են երկրպագուները։