«And 12 points go to…»՝ «Եվրատեսիլ»-ում ամենասպասված արտահայտությունն այս տարի կլսենք Մալենայից, հայտնում է Առաջին ալիքը։ «Մանկական Եվրատեսիլ 2021»-ի հաղթողը Եվրոպային կներկայացնի Հայաստանի ժյուրիի քվեարկության արդյունքները:

Հիշեցնենք, որ «Եվրատեսիլ 2023»-ը կկայանա այսօր՝ մայիսի 13-ին, Լիվերպուլում։ Մրցույթին կարող եք հետեւել Հանրային հեռուտաընկերության ուղիղ եթերով՝ ժամը 23:00-ին։

Հայաստանի ներկայացուցիչ Բրյունետը ելույթ է ունենալու 17-րդ համարի ներքո։ Երգչուհին մրցույթին ներկայանում է Future Lover երգով։

345632664_934405730994370_4604376070502545891_n.jpg (63 KB)


Հայաստանի օգտին Եվրոպայից քվեարկելու համար հարկավոր է 17 թիվն ուղարկել տվյալ երկրում առանձնացված համարին։

345632664_934405730994370_4604376070502545891_n.jpg (63 KB)

Այս տարի առաջին անգամ քվեարկելու իրավունք ունեն նաեւ մրցույթին չմասնակցող երկրները. այս եղանակով քվեարկելու համար հարկավոր է այցելել www.esc.vote կայք:

Քվեարկությունը կսկսվի բոլոր մասնակիցների ելույթներից հետո հայտարարված ժամանակահատվածում։ Հայաստանից Բրյունետի օգտին քվեարկել չեք կարող։