Փաբը, որն առաջարկում է կանանց անվճար ըմպելիքներ՝ ելնելով նրանց կրծկալի չափից, «որքան մեծ, այնքան լավ» կարգախոսով, վիճելի գովազդի համար քննադատության թիրախ է դարձել:
Ավստրալիայի Ադելաիդա քաղաքում գտնվող Woolshed on Hindley փաբը հայտարարել է, որ երեկույթի այցելուները կստանան մեկ անվճար խմիչք A, երկուսը՝ B եւ երեքը C չափսի դեպքում: Արշավի շրջանակներում գիշերային ակումբի պատերին փակցված են կրծկալներ, իսկ գովազդային պաստառի վրա պատկերված արջուկը կրում է սեւ կրծկալ։
Այնուամենայնիվ, ոչ բոլորն են գնահատել գաղափարը։ Որոշ օգտատերեր դա համարել են «կնատյացություն», մյուսները մեկնաբանել են, որ «հիասթափեցնող է, որ սա երբեւէ լավ գաղափար է համարվել»։
«Դա ի սկզբանե սարսափելի գաղափար էր, ով է դա առաջարկել եւ հետո թույլ տվել դրանով կիսվել», - նշել են մյուսները:
Փաբի տերերը ստիպված են եղել արդարանալ ու ներողություն խնդրել։ Արձագանքների հիման վրա նրանք որոշել են չեղարկել ակցիան եւ հավելել, որ հետագա բոլոր արշավները կվերանայվեն բարձրաստիճան ղեկավարության կողմից՝ առաջ անցնելուց առաջ:
«Եվրատեսիլ 2024»-ում «Լադանիվան» ելույթ կունենա 8-րդ համարի ներքո 
Շքեղ ցուցադրություն, համեղ հյուրասիրություն և հայտնի հյուրեր․ Կայացավ Քրիստինա Գրիգորյանի՝ «Fashion with stars» խորագրով ցուցադրությունը 
