Մալխաս Ամոյանը (72 կգ) նվաճեց Հյուսիսային Մակեդոնիայի մայրաքաղաք Սկոպյեում ավարտին մոտեցող հունահռոմեական ոճի ըմբշամարտի Եվրոպայի մինչև 23 տարեկանների առաջնության չեմպիոնի կոչումը:

Եզրափակիչում Հայաստանի ներկայացուցիչը մրցեց ուկրաինացի Անդրեյ Կուլիկի հետ և վստահ հաղթանակ տարավ 6:0 հաշվով: Ամոյանը ոչ մի շանս չտվեց մրցակցին՝ գոտեմարտերից յուրաքանչյուրում վաստակելով 3 միավոր: