Ֆուտբոլի Ազգերի լիգայի գավաթը նվաճեց աշխարհի չեմպիոն Ֆրանսիայի հավաքականը։ Միլանում տեղի ունեցած եզրափակիչում Դիդյե Դեշամի գլխավորած թիմը մրցեց Իսպանիայի հավաքականի հետ եւ կամային հաղթանակ տարավ 2։1 հաշվով։


64-րդ րոպեին հաշվը բացեց Իսպանիայի հավաքականը։ Լուիս Էնրիկեի գլխավորած թիմից աչքի ընկավ «Ռեալ Սոսյեդադի» 24-ամյա կիսապաշտպան Միկել Օյարսաբալը, որին գոլային փոխանցումը կատարեց «Բարսելոնայի» 33-ամյա կիսապաշտպան Սերխիո Բուսկետսը։