Ինչպես արդեն տեղեկացրել ենք, երեկ՝ Վազգեն Սարգսյանի անվան Հանրապետական մարզադաշտում տեղի ունեցավ Համահայկական 6-րդ ամառային խաղերի բացման հանդիսավոր արարողությունը:
Գեղեցիկ ու տպավորիչ արարողության ժամանակ, սակայն, արտակարգ դեպքերից խուսափել չի հաջողվել:
Մարզադաշտի ետնամասում մեծ հրդեհ է բռնկվել, ինչի պատճառով արարողության վերջում ավելի մեծ հրավառությունը տեղի չի ունեցել:
Խնդիրներ են առաջացել նաև մասնակիցների անվանական վկայականներ տրամադրելու հարցում: Մարզիկների մեծ մասը շքերթի է դուրս եկել առանց բեյջերի, քանի որ հավատարմագրումն իրականացնողները կորցրել էին դրանք:
Այս փաստը մեծ իրարանցում է առաջացրել Հայաստան ժամանած մարզիկների մոտ:
Մինչ խաղերի սկսվեը նույնպես արտակարգ դեպք էր գրանցվել. ԱՄՆ-ից ժամանած մարզիկ Լևոն Թովմասը Ծաղկաձոր մեկնելու ճանապարհին վթարի ենթարկվելով՝ մահացել էր:
Հենրիխ Մխիթարյան․ Անմոռանալի մրցաշրջան է 
