Լիտվայի Կլայպեդա քաղաքում շարունակվում է ծանրամարտի Եվրոպայի մինչև 23 տարեկանների առաջնությունը:
Կանանց պայքարում Հայաստանի ներկայացուցիչ, 58 կգ քաշային Իզաբելլա Յայլյանը նվաճել է ոսկե մեդալը:
Երկամարտի 194 (88+106) կգ արդյունքով հայ ծանրորդուհին 1 կգ-ով գերազանցել է երկրորդ տեղը գրաված ուկրաինացի Վերոնիկա Իվասյուկին:
Հիշեցնենք, որ առաջնության առաջին օրը 56 կգ քաշային Սմբատ Մարգարյանը երկամարտում գրանցել էր 241 կգ (102+139) արդյունք՝ դառնալով արծաթե մեդալակիր, իսկ մինչեւ 20 տարեկանների առաջնությունում Մարզպետ Մինասյանը նույն քաշային կարգում 227 կգ (107+120) արդյունքով երրորդն էր:
Հենրիխ Մխիթարյան․ Անմոռանալի մրցաշրջան է 
