Արմավիրի մարզի Տարոնիկ համայնքում կայացել է գյուղապետի արտահերթ ընտրություն:
Քվեարկության նախնական արդյունքներով ինքնաառաջադրված անկուսակցական 4 թեկնածուներից հաղթել է Արմեն Խլղաթյանը: Նրա օգտին քվեարկել է 567 ընտրող:
Ըստ Կենտրոնական ընտրական հանձնաժողովի կայքէջում հրապարակված տվյալների, մյուս թեկնածուների միջև ձայները բաշխվել են այսպես. Գևորգ Զաքարյան՝ 259, Մովսես Սահակյան՝ 217, Կարապետ Խաչատրյան՝ 90:
Տարոնիկի 1 644 ընտրողներից քվեարկությանը մասնակցել են 1 152-ը: 19 քվեաթերթիկ անվավեր է ճանաչվել: