Այն շուկաները, որտեղ կան գների անհիմն բարձրացում, կենթարկվեն խիստ պատասխանատվության ՏՄՊՊՀ-ի կողմից: Այս մասին այսօր նշեց ՏՄՊՊՀ նախագահ Արտակ Շաբոյանը:
«Մենք ամենօրյա կտրվածքով հետևում ենք գնագոյացմանը և գների քաղաքականությանը, և եթե լինեն չարաշահման երևույթներ, այսինքն՝ եթե լինեն գների անհիմն բարձրացման երևույթներ, ապա բոլոր այդ տնտեսվարողները կենթարկվեն պատասխանատվության: Սակայն խոսքը վերաբերում է այն շուկաներին, որտեղ կան խոշոր ընկերություններ և գերիշխող դիրք ունեցող տնտեսվարողներ, խոսքը չի վերաբերում բոլոր ապրանքային այն շուկաներին, որոնք մրցակցային են», - նշեց նա:
Արտակ Շաբոյանը շեշտեց, որ տոներին ընդառաջ ուսումնասիրություններ են կատարում և բազմաթիվ դեպքեր են բացահայտել, որ տնտեսվարողների կողմից հայտարարված զեղչերը սպառողներին գայթակղելու հրապուրելու, իրենց մոտ կանչելու նպատակ ունեն և շատ դեպքերում դրանք չեն համապատասխանում իրականությանը:
«Վերջերս խիստ պատասխանատվության ենթարկեցինք այն բոլոր տնտեսվարողներին, որոնց կողմից հրապարակված հայտարարված զեղչերը գովազդների, վահանակների միջոցով չեն համապատասխանում իրականությանը: Մենք մի քանի անգամ նախազգուշացում ենք տվել նման չարաշահումներ իրականացրած տնտեսվարողներին և հայտարարել ենք, որ հաջորդ անգամ խիստ ենք մոտենալու»,-եզրափակեց ՏՄՊՊՀ նախագահը:
«Ցելսիուս» ընկերության փակ միջոցառումը՝ ՈՒԵՖԱ-ի Ֆուտզալի Չեմպիոնների Լիգայի խաղերին ընդառաջ (տեսանյութ) 
