1946 թվականի օգոստոսի 1-ին Բեյրութում ծնվել է հայ օպերային երգչուհի, սոպրանո Արաքս Մանսուրյանը: Նա կոմպոզիտոր, ՀԽՍՀ արվեստի վաստակավոր գործիչ Տիգրան Մանսուրյանի և նկարիչ Մհեր Մանսուրյանի քույրն է, ՀՀ վաստակավոր արտիստ‌ Շուշան Պետրոսյանի մայրը։ Արաքս Մանսուրյանը 1947 թվականին հայրենադարձել է։

Սովորել է Ռոմանոս Մելիքյանի անվան երաժշտական ուսումնարանում, 1977 թվականին ավարտել է Երևանի Կոմիտասի անվան պետական կոնսերվատորիան։ 1977-1992 թթ.` Երևանի օպերայի և բալետի, 1992 թվականից` Սիդնեյի օպերային թատրոնների մեներգչուհի։