Մոտ 3000 մարդ գրոհում է Ալմաթիի գործադիր իշխանության տարածաշրջանային մարմինը։ Դեպքի վայրից հայտնում է Sputnik Ղազախստանի թղթակիցը։

Հարձակվողները մոտ երեք հազար ագրեսիվ տղամարդիկ են՝ զինված հիմնականում ռեզինե մահակներով։


Ոստիկանության մոտ 1500 ծառայող պաշտպանվում է լուսաձայնային նռնակներով։

Նշվում է, որ հարձակվողները ծեծի են ենթարկել մի քանի ոստիկանի, խլել են նրանց վահաններն ու սաղավարտները։

Հունվարի 5-ին կեսօրին մի քանի հարյուր հոգուց բաղկացած ամբոխ է հավաքվել Ալմաթի Արենայի մոտ։ Նրանք առաջ են քաշում այնպիսի քաոսային պահանջներ, ինչպիսիք են բարձրաստիճան պաշտոնյաների հրաժարականը, վարկերի դուրսգրումը եւ ապրանքների գնիջեցումը։

Ամենուր խարույկներ են վառվում, բողոքականները փակում են ճանապարհները եւ ոչ մեկին չեն թողնում ներս։

Տոլե բի փողոցում ագրեսիվ ամբոխը շարժվել է դեպի քաղաքային ակիմատ։