Ազգային ժողովի Հանրապետական խմբակցության պատգամավոր, «ՍԱՍ գրուպ» ընկերության հիմնադիր Արտակ Սարգսյանը արդար է համարում, որ ՀՔԾ-ում կարժվել է «ՍԱՍ»-ի հայտնի ձայնագրության փաստի առթիվ հարուցված քրեական գործը: Այս մասին նա նշել է Ազգային ժողովում լրագրողների հետ զրույցում:
«Ես չեմ այդպես կարծում, քննչական մարմիններն են կարծում»,-նշեց նա:
Լրագրողների հարցերի մեծ մասին նա չէր պատասխանում եւ քայլում էր դեպի ԱԺ մուտքը. «Մինչեւ մեքենա կուղեկցեք չէ՞ ինձ»,-ասաց նա:
«Ինչ ասում են, սաղ սուտ ա»,-ասաց Արտակ Սարգսյանը:
Դիտարկմանը, թե այսինքն ձայնագրություն չի՞ եղել, դա եւս կեղծի՞ք է, նա արձագանքեց. «Բոլորը սուտ է»:
Նա նաեւ հերքեց, որ իր կողմից ճնշումներ են եղել նախաքննական մարմնի վրա:
Ավելի վաղ NEWS.am-ը հայտնել էր, որ Hayastan24 կայքը հրապարակել է «ՍԱՍ» գրուպում տեղի ունեցած նախընտրական ժողովներից մեկի ձայնագրությունը: Դրանում վարողը աշխատակիցներին պարտադրում է ձայներ բերել ՀՀԿ տարածքային թեկնածու Արտակ Սարգսյանի օգտին՝ խոստանալով, որ շատ ձայներ բերողները կպարգեւատրվեն, իսկ չբերողները ընդհուպ կհեռացվեն աշխատանքից:
Ըստ մամուլի տեղեկությունների վարողը եղել է «ՍԱՍ»-ի սեփականատեր, ԱԺ պատգամավոր Արտակ Սարգսյանի եղբայրը՝ Արամ Սարգսյանը:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
