Ինչ կպատմի չինական կենդանակերպը ձեր մասին

Չինական կենդակերպում նշանը որոշվում է՝ ըստ ծննդյան տարեթվի։ Կենդանիներից յուրաքանչյուրը խորհրդանշում է բնավորության որոշակի գծեր։

Առնետի տարի՝ 1912, 1924, 1936, 1948, 1960, 1972, 1984, 1996, 2008, 2020։ Հմայիչ մարդիկ են, ովքեր հեշտությամբ լեզու են գտնում շրջապատի հետ։ Հաճախ են հաջողության հասնում բիզնեսում, բայց բռնկուն են և քննադատող։ Ինտելեկտուալ բարձր կարողություններ ունեն, ինչի արդյունքում նորանոր հաջողությունների հասնելը նրանց համար բարդ չէ։ Կրքոտ զուգընկեր են։

Ցուլի տարի՝ 1913, 1925, 1937, 1949, 1961, 1973, 1985, 1997, 2009, 2021։ Հոգով ուժեղ մարդիկ են։ Կարող են հաղթահարել կյանքի ցանկացած դժվարություն։ Շրջապատը նրանց հարգանքով է վերաբերվում։ Երբեմն շատ պահանջկոտ են լինում։ Հարաբերություններում կայուն են և ազնիվ, բայց ոչ միշտ են կրքոտ։

Առյուծի տարի՝ 1914, 1926, 1938, 1950, 1962, 1974, 1986, 1998, 2010, 2022։ Զգացմունքային մարդիկ են, ովքեր իրենց ամբողջությամբ նվիրում են զուգընկերոջը։ Հաճախ են ուժեղ լիդերներ դառնում և կարողանում են հաղթահարել բոլոր դժվարությունները, որոնց բախվում են կյանքի ճանապարհին։

Նապաստակի/ճագարի տարի՝ 1915, 1927, 1939, 1951, 1963, 1975, 1987, 1999, 2011, 2023։ Հոգատար, բարեկիրթ մարդիկ են։ Այդ պատճառով էլ միշտ հաճելի է նրանց հետ շփվելը։ Հեռու են մնում վեճերից, խուսափում են ցանկացած կոնֆլիկտային իրավիճակից, քանի որ չգիտեն՝ ինչպես պահել իրենց այդ իրավիճակներում։ Երբեմն չափազանց սենտիմենտալ են լինում։

Վիշապի տարի՝ 1916, 1928, 1940, 1952, 1964, 1976, 1988, 2000, 2012, 2024։ Միշտ հսկայական էներգիա ունեն։ Տաղանդավոր և խելացի մարդիկ են, բայց երբեմն նրանց շատ աղմկոտ և զգացմունքային են համարում։ Պահանջկոտ են շրջապատի նկատմամբ, քանի որ իրենցից ևս ամենալավն են սպասում։

Օձի տարի՝ 1917, 1929, 1941, 1953, 1965, 1977, 1989, 2001, 2013, 2025։ Խորը մտածողներ են, ռոմանտիկ։ Խանդոտ են, երբեմն նրանց ժամանակ է հարկավոր միայնակ մնալու և սեփական մտքերը փորփրելու համար։

Ձիու տարի՝ 1918, 1930, 1942, 1954, 1966, 1978, 1990, 2002, 2014, 2026։ Սիրում են իրենց մասնագիտությունը, որին նվիրում են իրենց ժամանակի մեծ մասը։ Սիրային հարաբերություններում չափազանց զգացմունքային են։

Այծի տարի՝ 1919, 1931, 1943, 1955, 1967, 1979, 1991, 2003, 2015, 2027։ Հմայիչ են, բարի և զգացմունքային, պաշտում են բնությունն ու արվեստը։ Երբեմն հակված են լինում հոռետեսության, ինչը բացասաբար է ազդում նրանց տրամադրության վրա։

Կապիկի տարի՝ 1920, 1932, 1944, 1956, 1968, 1980, 1992, 2004, 2016, 2028։ Մարդկանց ձգում են դեպի իրենց։ Խելացի են, բայց երբեմն չափազանց շատ են խոսում։ Նրանց համար դժվար է կարիերայում հաջողություններ ունենալը, քանի որ հաճախ ուշադիր չեն լինում։

Աքլորի տարի՝ 1921, 1933, 1945, 1957, 1969, 1981, 1993, 2005, 2017, 2029։ Շատ ընկերներ ունեն, քանի որ անկեղծ են։ Այդ պատճառով նրանց հաճախ ներում են թերությունները։ Բարձր ստանդարտներ ունեն, գիտեն՝ ինչ է հարկավոր անել՝ նպատակներին հասնելու համար։

Շան տարի՝1922, 1934, 1946, 1958, 1970, 1982, 1994, 2006, 2018, 2030։ Հավատարիմ են, ազնիվ, նվիրված։ Նրանց ստեղծագործական ունակությունները բավական լավ են զարգացած։ Բացի այդ՝ զարգացած է նաև արդարության զգացումը։ Վստահելի են մտերիմների համար։

Խոզի տարի՝ 1923, 1935, 1947, 1959, 1971, 1983, 1995, 2007, 2019, 2031։ Բարի, անկեղծ, ընկերասեր մարդիկ են։ Բարձր ինտելեկտ ունեն, այդ պատճառով էլ միշտ հետաքրքիր է գործ ունենալ նրանց հետ։ Հումորի զգացում ունեն, սրամիտ են։