Երևանի Կենտրոն և Նորք-Մարաշ վարչական շրջանների դատարանն այսօր բավարարել է քննիչի միջնորդությունը` Արարատի մարզպետարանի գյուղատնտեսության և բնապահպանության վարչության նախկին պետ Տիգրան Վիրաբյանին երկու ամսով կալանավորելու մասին: ՀՀ հատուկ քննչական ծառայությունն այսօր միաժամանակ Տ.Վիրաբյանին մեղադրանք է առաջադրել` առանձնապես խոշոր չափերով հափշտակության համար։ «Փաստինֆո»-ի ունեցած հավաստի տեղեկությունների համաձայն` նրան մեղադրանք է` առաջադրվել ՀՀ քրեական օրենսգրքի երկու հոդվածով՝ 179-րդ հոդվածի 3-րդ մասով՝ Յուրացնելը կամ վատնելը, և 314-րդ հոդվածի 1-ին մասով՝ Պաշտոնեական կեղծիքը։
Ինչպես ավելի վաղ «Փաստինֆո»-ն տեղեկացրել էր, 2012-2013թթ. մի շարք որոշումներով հողօգտագործողներին մատչելի գներով դիզելային վառելանյութ և ազոտական պարարտանյութ տրամադրելու գործընթացում Արարատի, Գեղարքունիքի, Կոտայքի և Շիրակի մարզպետարանների պաշտոնատար անձանց կողմից կատարված յուրացման, պաշտոնեական կեղծիքի և պաշտոնեական դիրքի չարաշահման դեպքերի առթիվ ՀՀ հատուկ քննչական ծառայությունում 2013 թվականի հունիսի 21-ին հարուցվել է քրեական գործ, կատարվում է քննություն։
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
