Շատերը փաստում են, որ 40-ից հետո երբևէ այդպիսի հաճույք չեն ստացել սեքսից:

Սեքսը չի պակասի

Ըստ հետազոտությունների, ԱՄՆ-ում յուրաքանչյուր երրորդ քաղաքացին շարունակում է վագինալ սեքսով զբաղվել մինչև 70 տարեկանը: 40 տարեկանում կանանց՝ 70 և տղամարդկանց՝ 74 տոկոսը:

Անվտանգության մասին անհանգստանալու կարիք կա

Սեռական ճանապարհով փոխանցվող ոչ մի հիվանդությունից էլ տարիքը չի պաշտպանի: Այնպես որ 40-ից հետո, 60-ից հետո էլ կարող եք վարակվել սիֆիլիսով, սուսանակով, խլամիդոզով, սեռական հերպեսով, հեպատիտ Բ-ով, սեռական գորտնուկով և տրիխոմոնոզով:

Կշարունակեք ձեռնաշարժությամբ զբաղվել

Հետազոտությունները ցույց են տվել, որ ԱՄՆ-ում ձեռնաշարժությամբ են զբաղվում 16-ից մինչև 59 տարեկան կանանց 60 տոկոսը: Նաև ձեռնաշարժությամբ է զբաղվում 70-ից բարձր յուրաքանչյուր երրորդ կինը: Միջինում տղամարդկանց 70 տոկոսը ձեռնաշարժությամբ է զբաղվում մինչև 69 տարեկանը: Հետո ցուցիչը նվազում է մինչև 46 տոկոս:

Սեքսի որակը կբարձրանա

40-ից բարձր կանայք ավելի մեծ բավարարվածություն են ստանում սեքսից, քան երիտասարդ տարիքում: Ահա, թե ինչ են ասում այդ մասին.

Իմ տարիքի տղամարդիկ անկողնում ավելի լավն են, ավելի քիչ էգոիստ են, ավելի փորձառու են և նպատակ ունեն, որպեսզի կնոջը հաճույք պատճառեն:
Ես 55 տարեկան եմ, շատ լավ գիտեմ իմ մարմինը, կարող եմ ասել և ցույց տալ զուգընկերոջս, թե ինչ անի:
Հրաշալի է, որ վստահությունն օգնում է ավելի լավ հաճույք ստանալ:
Ամենամեծ փոփոխոթյունն ինձ համար այն է, որ այլևս չեմ վախենում վիրավորել ուրիշին, պատմելով նրան, թե ինչ և ինչպես է ինձ դուր գալիս անկողնում: 20, 30 տարեկանում վախենում էի խնդրել նոր բաներ անել, որպեսզի նրանք մտածեն, թե ինչն են այդ պահին վատ անում: Հիմա 43 տարեկան եմ, և չեմ ամաչում անկողնում խոսելիս:
Ես 55 տարեկան եմ, ամուսինս՝ 58: Մեր երեխաները մեծացել են, նրանք այլևս չեն կարող մեզ խանգարել: Չենք վախենում հղիությունից: Վերջապես կարող ենք հիանալ մեկս մյուսով և լինել այնքան աղմկոտ, որքան ցանկանում ենք:

Լրագրող Մայքլ Կասլմանն ընդգծում է, որ սեքսի ժամանակ կանանց մոտ ցավը և տղամարդկանց անբավարար էրեկցիան բազմաթիվ զույգերի ստիպում է վերանայել սեքսի հանդեպ իրենց հայացքները և էականորեն զարգացնել այն:

«Ցավոք, շատերը համարու մեն, որ սեքսը բացառաոապես in-out է: Եվ երբ սկսում են խնդիրները, նրանք մտածում են, որ սեքսը նրանց համար ավարտված է»:

Կասլմանը վստահեցնում է, որ այդ տարիքը ինտիմ մտերմությունը դարձնում է իրական: Զույգերը ունեն սեքսի մասին մեկ ընդհանուր ճիշտ մոտեցում և սկսում են նոր բաներ փորձել: Օրալ սեքսը, խաղալիքները և դերային խաղերը դառնում են նորմալ:

Էրեկցիայի հետ խնդիրները չեն խանգարում տղամարդու օրգազմին

Օրգազմի համար տղամարդիկ էրեկցիայի կարիք չունեն: Հարմարավետ միջավայրը, էրոտիկ ֆանտազիաները և կանանց էներգետիկ փաղաքշանքները կօգնեն, որպեսզի օրգազմ ստանաք: Այն կլինի նախկինի պես հաճելի:

Սրտի հիվանդությունը կխանգարի հաճույք ստանալուն

Գրգռվելու համար երկար ժամանակ կպահանջվի, տղամարդիկ էլ դժվարությամբ կպահեն էրեկցիան: 40 տարեկանում դա ձեզ չի սպառնում, բայց պետք է ավելի վաղ հոգ տանել առողջության մասին. ճիշտ սնվել, լինել ֆիզիկապես ակտիվ և հետևել բժշկի խորհուրդներին:

LIFEHACKER