Լոնդոնի թագավորական քոլեջի (Մեծ Բրիտանիա) գիտնականները կորոնավիրուսային ինֆեկցիայի գլխավոր ախտանիշներ են համարում համի եւ հոտառության կորուստը: Նրանք այսպիսի եզրակացության են հանգել COVID-19-ով պացիենտների շրջանում հարցում անցկացնելուց հետո:
Կազմակերպության կայքում հաղորդվում է, որ COVID-19-ով պացիենտների 59 տոկոսը հայտնել է հոտառության եւ համի կորստի մասին, ընդ որում՝ հարցվածներից 18 տոկոսի մոտ, որոնք նույնպիսի ախտանիշների գանգատներ են ունեցել, հիվանդությունը չի հայտնաբերվել: Գիտնականներն այս տվյալները ստացել են COVID Symptom Tracker հավելվածի միջոցով, որի օգնությամբ մարտի 24-29-ը հարցում են կատարել 1702 պացիենտի շրջանում, նրանցից 579-ի կորոնավիրուսի ախտորոշման թեստը դրական արդյունք էր ունեցել:
Գիտնականների կարծիքով՝ հոտառության եւ համի կորուստը կարելի է դասել կորոնավիրուսային ինֆեկցիայի առանցքային ախտանիշների թվին: Դրանց են դասվում նաեւ բարձր ջերմությունը, մշտական հազը, հոգնածությունը, որոշ դեպքերում ախորժակի կորուստը, ստամոքսի խանգարումները եւ դիարեան:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
