Թուրքիան Ուկրաինային չորս կորվետ (հետախուզական ռազմանավ) կվաճառի պաշտպանության ոլորտում երկկողմ համագործակցության համաձայնագրի շրջանակում, հայտնում է Defense News-ը՝ վկայակոչելով ոլորտում աղբյուրներին:
Պետության կողմից վերահսկվող թուրքական Defense Technologies Engineering (STM) ընկերությունը նաեւ Ուկրաինային տեխնոլոգիա կփոխանցի թուրքական զինված անօդաչուների համատեղ արտադրության համար՝ գործարքի շրջանակում, որը պոտենցիալ կարող է արժենալ 1 մլրդ եվրո:
STM ընկերության Ada Class Corvette կորվետը, որը մշակվել է Թուրքիայի MILGEM ռազմանավերի ազգային ծրագրի շրջանակում, օգտագործում է ամերիկյան արտադրության մի քանի մասեր, որոնք անհրաժեշտ է փոխարինել տեղական արտադրության բաղադրիչներով՝ վերջերս սահմանված ԱՄՆ պատժամիջոցների պատճառով, որոնք ներառում են արտահանման բոլոր լիցենզիաների արգելք:
Ուկրաինան մի քանի մարտական դրոններ է գնել թուրքական Baykar պաշտպանական ընկերությունից, որը պատկանում է Թուրքիայի նախագահ Ռեջեփ Թայիփ Էրդողանի ազգականներին, իսկ ավելի ուշ եւս 48 դրոն ձեռք բերելու շահագրգռություն է հայտնել:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
