Ֆուտբոլի աշխարհի առաջնությունում նոյեմբերի 30-ին խմբային փուլի վերջին տուրի հանդիպումները կանցկացնեն C եւ D խմբերում ընդգրկված թիմերը։

C խմբում Ամերիկայի գավաթակիր Արգենտինայի հավաքականը կմրցի առաջատար Լեհաստանի հետ, որին ոչ ոքի արդյունքն էլ թույլ կտա դուրս գալ փլեյ-օֆֆ։ Սաուդյան Արաբիան կխաղա Մեքսիկայի հետ։ Այս թիմերն էլ դեռ պահպանում են 1/8 եզրափակիչ դուրս գալու հնարավորությունը։


D խմբում փլեյ-օֆֆի ուղեգիր ապահոված աշխարհի չեմպիոն Ֆրանսիայի հավաքականը կմրցի Թունիսի հետ։ Ավստրալիայի մրցակիցը կլինի Դանիան։ Երեք թիմերն էլ հավակնում են երկրորդ տեղին։

ԱԱ-2022, երրորդ տուր

C խումբ

Լեհաստան - Արգենտինա՝ 23:00 (Երեւանի ժամանակ)

Սաուդյան Արաբիա - Մեքսիկա՝ 23:00

Մրցաշարային դրություն․ Լեհաստան՝ 4 միավոր, Արգենտինա՝ 3, Սաուդյան Արաբիա՝ 3, Մեքսիկա՝ 1։

 

D խումբ

Թունիս - Ֆրանսիա` 19:00

Ավստրալիա - Դանիա՝ 19:00

Մրցաշարային դրություն․ Ֆրանսիա՝ 6 միավոր, Ավստրալիա՝ 3, Դանիա՝ 1, Թունիս՝ 1։