Թուրքիայի արտաքին գործերի նախարար Մեւլութ Չավուշօղլուն մեկնել է ԱՄՆ. այցը նախատեսված է հունվարի 17-ից 20-ը։ Այս մասին տեղեկացրել է թուրքական արտաքին քաղաքական գերատեսչության մամուլի ծառայությունը։
Հունվարի 18-ին Չավուշօղլուն բանակցություններ կվարի ԱՄՆ պետքարտուղար Էնթոնի Բլինքենի հետ։ Հանդիպումը կայանալու է Թուրքիա-ԱՄՆ Ռազմավարական մեխանիզմի շրջանակում։
Կողմերը կքննարկեն երկկողմ հարաբերությունների բոլոր հարցերը, ինչպես նաեւ կարծիքներ կփոխանակեն տարածաշրջանային թեմաների վերաբերյալ։
Նախատեսված են Չավուշօղլուի հանդիպումները Վաշինգտոնի եւ Հյուսթոնի վերլուծաբանական կենտրոնների ներկայացուցիչների, ինչպես նաեւ ԱՄՆ-ում ապրող թուրքերի հետ։
Մեւլութ Չավուշօղլուն կմասնակցի նաեւ Հյուսթոնում Թուրքիայի Գլխավոր հյուպատոսության նոր գրասենյակի բացմանը։
Այցի վերջին օրը Թուրքիայի արտաքին գործերի նախարարը Նյու Յորքում կհանդիպի ՄԱԿ ԳՎ 77-րդ նստաշրջանի նախագահ Չաբա Կյորոշիի հետ։
Նյու Յորք մեկնելուց առաջ, հունվարի 17-ին, Չավուշօղլուի մասնակցությամբ Վաշինգտոնում տեղի կունենան խորհրդակցություններ Թուրքիայի եւ ԱՄՆ-ի պատվիրակությունների միջեւ. պատվիրակությունները գլխավորում են Թուրքիայի փոխարտգործնախարար Սեդաթ Օնալը եւ ԱՄՆ պետքարտուղարի քաղաքական հարցերի գծով տեղակալ Վիկտորյա Նուլանդը։
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
