Հնդկաստանն առաջին անգամ Հայաստանում ռազմական կցորդ է նշանակել

Հնդկաստանը ռազմական կցորդներ է ուղարկում 10 նոր երկրներ, առաջին անգամ Հայաստանում կնշանակվի ռազմական ներկայացուցիչ, հիմնական ուշադրությունը աֆրիկյան երկրների վրա է։ Այս մասին հայտնում է PTI-ն՝ վկայակոչելով աղբյուրներ։

Ըստ հրապարակման՝ բարեփոխումն իրականացվում է, ի թիվս այլ բաների, «օպտիմալացնելով» բանակի, նավատորմի և ռազմաօդային ուժերի ներկայացուցիչների թիվը դիվանագիտական ​​մեծ առաքելություններ ունեցող երկրներում, ինչպիսիք են Ռուսաստանը, Ֆրանսիան և Մեծ Բրիտանիան։ Այժմ Դելին 15-16 ռազմական կցորդներ է ուղարկում այլ երկրներ. նրանցից ոմանք առաջին անգամ կընդունեն հնդկական ռազմական ներկայացուցիչներ, ոմանք կթարմացնեն կամ կուժեղացնեն գոյություն ունեցող ապարատը։ Շեշտը դրված է այն պետությունների վրա, որոնց հետ Հնդկաստանը զարգացնում է ռազմատեխնիկական համագործակցությունը։

«Նրանցից ոմանք արդեն սկսել են աշխատել նոր պաշտոններում։ Հաջորդ փուլում տարբեր երկրներում կստեղծվեն 10 նոր ռազմական կցորդներ՝ հատուկ շեշտադրմամբ այն երկրների վրա, որտեղ զենք է արտահանվում»,- ասել է գործակալության զրուցակիցը։ Մասնավորապես, Հայաստանում առաջին անգամ ռազմական կցորդ է նշանակվել: Հայաստանի հետ Հնդկաստանն արդեն պայմանավորվել է Pinaka կայանների, «Ակաշ» փոքր հեռահարության զենիթահրթիռային համակարգի և այլ զինատեսակների մատակարարման շուրջ։

«Սա առաջին անգամն է, որ Հայաստանում հատուկ նշանակվում է ռազմական կցորդ»,- ընդգծել է աղբյուրը։ Նոր ռազմական ներկայացուցիչներ կուղարկվեն նաև Ջիբութի, Կոտ դ'Իվուար, Մոզամբիկ, Լեհաստան, Տանզանիա, Ֆիլիպիններ և Եթովպիա։