«Հայաքվե» նախաձեռնությունը ՆԳՆ–ի դիմաց բողոքի ակցիա է իրականացնում՝ ի աջակցություն տավուշցիների: Նախաձեռնության անդամներից Մենուա Սողոմոնյանը նշեց, որ իրենք քիչ անց խորհրդանշական ակցիա կիրականացնեն:
«ՀՀ ոստիկանությունն այսօր իր աջակցությամբ, իր թողտվությամբ, կամ գոնե լուռ համաձայնությամբ ՀՀ քաղաքական թիվ մեկ սրբության՝ ՀՀ սահմանադրության քանի հոդված է թողնում, որ ոտնատակ լինի, քանի հոդված է ինքը խախտում, կամ խախտման մասնակիցը լինում»,-ասաց Սողոմոնյանը՝ թվարկելով այդ հոդվածները:
«Թշնամի երկրի ղեկավարը թելադրում է ՀՀ ղեկավարությանը, ասում է՝ փոխեք ձեր Սահմանադրությունը, եւ ՀՀ ղեկավարությունը դա պարտադրում է ժողովրդին:
Ոստիկանության մասին օրենքով չկա այդպիսի պարտավորեցնող դրույթ, որ հայ ոստիկանը պետք է գնա հայկական բնակավայրերը եւ ՀՀ քաղաքացիներից բռնություն գործադրելով ազատի:
Այսօր ապօրինի սահմանազատման դեմ բողոքող ազատ քաղաքացուն, որին ձերբակալում են, դիտմամբ թողնում հեռանում են, եւ դիմակավորված անձինք խոշտանգում են քաղաքացուն:
Այսօր ես չեմ կարող գնալ, մտնել Կիրանց գյուղ, դա ապօրինի է: Ոստիկանությունն այսօր ավելի քան քաղաքականացված է, ավելի քան բարոյալքված է»,- հայտարարեց նա:
Հիշեցնենք, որ վաղ առավոտյան ժամը 6-ի սահմաններում ոստիկանության մեծ ուժեր են ժամանել Կիրաց գյուղ, որտեղից բիրտ ուժ կիրառելով բերման են ենթարկել ճանապարհը փակած բնակիչներին, այդ թվում անչափահասների: Ականատեսները պատմում են, որ մարդկանց ծեծելով են բերման ենթարկել: Ոստիկանության բաժանմունքի մոտ է նաեւ Բագրատ Սրբազանը:
ՆԳՆ-ն հաղորդագրություն է տարածել՝ նշելով, որ ՊՆ-ն ականազերծման աշխատանքներ է իրականացնում Կիրանց-Խեյրիմլի հատվածում, դրա համար ճանապարհները փակվել են: Թույլ չեն տալիս գյուղ մտնել նաեւ լրագրողներին:
Գյուղապետ Կամո Շահինյանի խոսքով, նրանք հերթապահություն էին իրականացնում, որպեսզի թույլ չտան ականազերծման աշխատանքներ իրականացնել:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
