Հայաստանի արտաքին գործերի նախարար Արարատ Միրզոյանն ու Ադրբեջանի արտաքին գործերի նախարար Ջեյհուն Բայրամովը այսօր՝ մայիսի 10-ին, կհանդիպեն Ալմաթիում:
Հիշեցնենք, որ եղել է Հայաստանի և Ադրբեջանի նախարարների հանդիպման պայմանավորվածություն՝ ղազախական կողմի առաջարկով:
Երևանն ավելի վաղ հայտնել էր, որ համաձայն է Ղազախստանում Բաքվի հետ խաղաղության պայմանագրի շուրջ բանակցություններին։ Աստանայում Արարատ Միրզոյանի և Ջեյհուն Բայրամովի հանդիպման մասին հրապարակային խոսել էր Ադրբեջանի նախագահ Իլհամ Ալիևը:
Իսկ դրան նախորդել էր Ղազախստանի նախագահի այցը Հայաստան։ Երևանում Կասիմ-Ժոմարտ Տոկաևը հայտարարել էր, որ պատրաստ են կողմերին բանակցային հարթակ տրամադրել։
Ռուսաստանի ԱԳՆ-ն ողջունել է այս հանդիպումն անցկացնելու նախաձեռնությունը: Ղազախական կողմն իր հերթին հայտարարել է, որ Աստանան հանդես չի գալիս որպես միջնորդ, այլ միայն հարթակ է տրամադրում:
Միրզոյանն ու Բայրամովը վերջին անգամ բանակցել են փետրվարին՝ Բեռլինում։ Շոշափելի առաջընթացի մասին, սակայն, կողմերը չէին հաղորդել:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
