«Իրավունք» թերթը գրում է. ««Երեկ դատարանում տեղի ունեցավ ՀՀԿ երիտասարդական կազմակերպության փոխնախագահ Աշոտ Անդրեասյանի դեմ ԱԺ նախագահ Ալեն Սիմոնյանի հայցի քննությունը: Անդրադառնալով, թե հիմա ինչից է վիրավորվել Ա.Սիմոնյանը, Աշոտ Անդրեասյնն ասաց, որ իր սովորական որակումներն է տվել «այս ստախոսներին, անհայրենիքներին, հող ու արյուն վաճառողներին ու իրերը կոչել իրենց անունով». «Պատրաստ եմ դատարանում իմ ցանկացած ասածի համար պատասխան տալ ու ապացուցել, որ դա այդպես է:


Ալեն Սիմոնյանը նեղվել է, որ ես իրեն «ստախոս» կամ «թուրքի առաջ կզած» եմ ասել, ես դատարանում հենց հիմա իմ բոլոր ասածների համարպատասխան կտամ»:

Հիշեցնենք, որ Ալեն Սիմոնյանը պահանջում է դատարանից Անդրեասյանին պարտավորեցնել ներողություն խնդրել իրենից եւ փոխհատուցել 2,5 միլիոն դրամ»:

Առավել մանրամասն թերթի այսօրվա համարում