Բրազիլիայի առաջին տիկին Ժանիա Լուլա դա Սիլվան շաբաթ օրը G20 սոցիալական միջոցառման ժամանակ հրապարակավ վիրավորել է ամերիկացի միլիարդատեր Իլոն Մասկին, որտեղ անդրադրաձել է սոցիալական մեդիայի կարգավորման անհրաժեշտության թեմային՝ ապատեղեկատվության դեմ պայքարելու համար, գրում է Reuters գործակալությունը։
Ելույթի ընթացքում նավի շչակ է հնչել, և Բրազիլիայի առաջին տիկինը կատակել է. «Երևում է՝ Իլոն Մասկն է», իսկ հետո ավելացրել. «Ես ձեզանից չեմ վախենում» և Մասկի հասցեին անպարկեշտ արտահայտություն է արել։
X սոցիալական ցանցի սեփականատեր Մասկն արձագանքել է Բրազիլիայի առաջին տիկնոջ տեսանյութին՝ հրապարակելով «բարձր ծիծաղ» էմոջիի պատկերը։ Մեկ այլ գրառման մեջ Մասկը հավելել է. «Նրանք հաջորդ ընտրություններում կպարտվեն»՝ նկատի ունենալով նախագահ Լուիս Ինասիո Լուլա դա Սիլվային:
Ժանիա Լուլա դա Սիլվան ելույթ է ունեցել այս օրերին Ռիո դե Ժանեյրոյում անցկացվող G20 գագաթնաժողովին նախորդող միջոցառմանը։
Մասկի սոցիալական ցանցն այս տարի մեկ ամսով կասեցվել է Բրազիլիայում՝ երկրում իրավաբանական ներկայացուցչի անունը չնշելու անընդունակության և արգելափակելու «կեղծ լուրեր» և ատելության հաղորդագրություններ տարածելու մեջ մեղադրվող հաշիվների մասին դատարանի որոշումներն անտեսելու համար:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
