ԱՄՆ նախագահ Դոնալդ Թրամփը հայտարարել է, որ «չի ուզում անտեղի ժամանակ վատնել», այն բանից հետո, երբ Ուկրաինայի պատերազմի վերաբերյալ իր ռուս գործընկեր Վլադիմիր Պուտինի հետ անձնական հանդիպումների ծրագրերը հետաձգվեցին, հաղորդում է BBC News-ը։
Երեքշաբթի օրը Սպիտակ տանը ելույթ ունենալով՝ ԱՄՆ նախագահը նշել է, որ Մոսկվայի հրաժարումը դադարեցնել ռազմական գործողությունները ներկայիս առաջնագծի երկայնքով շարունակում է մնալ հիմնական խոչընդոտ։
Ավելի վաղ Սպիտակ տան խոսնակը հայտարարել էր, որ Թրամփի և Պուտինի միջև «մոտ ապագայում» հանդիպման ծրագրեր չկան, այն բանից հետո, երբ Թրամփը հինգշաբթի հայտարարեց, որ երկու շաբաթվա ընթացքում նրանք բանակցություններ կանցկացնեն Բուդապեշտում։ ԱՄՆ-ի և Ռուսաստանի խաղաղության առաջարկների միջև հիմնական տարաձայնությունները այս շաբաթ ավելի ու ավելի ակնհայտ են դարձել, ինչը, կարծես, խափանում է գագաթնաժողովի ցանկացած հնարավորություն։
Թրամփը և Պուտինը վերջին անգամ հանդիպել են Ալյասկայում օգոստոսին։ BBC News-ի հաղորդմամբ՝ Թրամփի և Պուտինի միջև երկրորդ հանդիպումը հետաձգելու Սպիտակ տան որոշումը կարող է դիտվել որպես նմանատիպ մեկ այլ սցենարից խուսափելու փորձ։
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
