Ամերիկյան վարչակազմի որոշ ներկայացուցիչներ կարծում են, որ Իրանի իրավիճակին ԱՄՆ-ի ցանկացած միջամտությունը Մերձավոր Արևելքում հակամարտության նոր փուլի կհանգեցնի։ Այս մասին հայտնել է The Wall Street Journal թերթը՝ հղում անելով իր աղբյուրներին։

Ըստ նրանց տվյալների՝ Սպիտակ տանը մտահոգված են, որ «ԱՄՆ-ի ցանկացած պատասխան կարող է տարածաշրջանում լարվածության էսկալացիայի հանգեցնել՝ պոտենցիալ կերպով ուղղակի առճակատում հրահրելով ԱՄՆ-ի, Իրանի և հավանաբար նաև Իսրայելի միջև»։


Ինչպես ավելի վաղ տեղեկացրել էր The Wall Street Journal-ը, հունվարի 13-ին ԱՄՆ նախագահ Դոնալդ Թրամփը պետքարտուղար Մարկո Ռուբիոյի, Պենտագոնի ղեկավար Փիթ Հեգսեթի և Շտաբների պետերի միացյալ կոմիտեի նախագահ գեներալ Դեն Քեյնի հետ կքննարկի Իրանի դեմ հնարավոր միջոցները, ներառյալ ռազմական հարվածները, կիբերհարձակումները և նոր պատժամիջոցները։ Հունվարի 10-ին Թրամփը հայտարարել էր, որ ԱՄՆ-ն պատրաստ է օգնել Իրանին «ազատության ձգտման» հարցում։